ایران نے اسرائیل کو بھاری نقصان پہنچایا، نتین یاہو کو برطرف کیا جائے:سابق صیہونی وزیراعظم

سچ خبریں:سابق صیہونی وزیرِاعظم ایہود اولمرت نے ایران کے میزائل حملوں سے ہونے والے شدید نقصانات کا اعتراف کیا ہے اور نتین یاہو کو برطرف کرنے کی مہم کا اعلان کیا ہے، انہوں نے جنگ غزہ کو غیرقانونی اور مجرمانہ قرار دیا اور فوری انتخابات کا مطالبہ کیا۔

سابق صیہونی وزیرِاعظم ایہود اولمرت نے ایران کی میزائل طاقت اور غزہ میں جاری جنگ کے تباہ کن اثرات پر بات کرتے ہوئے وزیرِاعظم بنیامین نتین یاہو کی برطرفیکا مطالبہ کیا ہے۔

یہ بھی پڑھیں:اسرائیل کے خلاف ایرانی حملے کے بارے میں سابق صیہونی وزیر جنگ کا تازہ ترین انکشاف

اولمرت نے الجزیرہ چینل کو دیے گئے ایک انٹرویو میں کہا کہ غزہ میں قید فوجیوں کو واپس لایا جائے، اور ایک غیر حماس مشترکہ حکومت غزہ کے لیے قائم کی جائے، اسرائیلی سیاستدانوں کو چاہیے کہ وہ جنگ ختم کرانے کے لیے نتین یاہو پر دباؤ ڈالیں۔

انہوں نے کہا کہ وہ امید رکھتے ہیں کہ نتین یاہو جلد قبل از وقت انتخابات کا اعلان کریں گے،کیونکہ موجودہ حالات میں ان کا سیاسی مستقبل ختم ہوتا نظر آ رہا ہے۔ ان کے بقول سروے سے ظاہر ہوتا ہے کہ اگر انتخابات ہوئے تو اپوزیشن کے جیتنے کے امکانات بہت زیادہ ہیں۔

ایہود اولمرت نے مزید کہا کہ ہم چاہتے ہیں کہ ٹرمپ، نتین یاہو پر دباؤ ڈالیں کہ وہ جنگ غزہ کو ختم کریں۔ میں ٹرمپ سے کہتا ہوں کہ نتین یاہو سے کہیں، اب بہت ہو چکا! بیشتر اسرائیلی اس جنگ کا خاتمہ چاہتے ہیں۔

انہوں نے زور دے کر کہا کہ ہم نتین یاہو کو برکنار کرنا چاہتے ہیں اور اس مقصد کے لیے ہر ممکن کوشش کریں گے۔ غزہ، اسرائیل کا حصہ نہیں ہے۔ میں سمجھتا ہوں کہ یہ جنگ غیر ضروری، بلا جواز، غیر قانونی اور ایک مجرمانہ عملہے۔

مزید پڑھیں:اسرائیل پر فتح ایران کے ہاتھوں ہوگی: عمان کے مفتی اعظم

مزید برآں، اولمرت نے ایران اور اسرائیل کے درمیان 12 روزہ جنگ کا ذکر کرتے ہوئے اعتراف کیا کہ ایرانی میزائلوں نے اسرائیلی شہروں کو شدید نقصان پہنچایا ہے،ایران اسرائیل کے ساتھ پُرامن بقائے باہمی نہیں چاہتا۔