سچ خبریں: صیہونی اخبار نے سید حسن نصراللہ کی شہادت کے بارے میں تفصیلات جاری کرنے کا دعوی کیا ہے۔
روسیا الیوم ویب سائٹ کی رپورٹ کے مطابق صیہونی اخبار معاریو نے دعویٰ کیا ہے کہ اسرائیل نے حزب اللہ سکریٹری جنرل سید حسن نصراللہ کو جنوبی بیروت کے علاقے ضاحیہ میں ایک ہوائی حملے کے دوران قتل کر دیا ۔
یہ بھی پڑھیں: سید حسن نصراللہ کو شہید کر کے اسرائیل نے امریکہ کے ساتھ کیا کیا ہے؟ برطانوی اخبار
اخبار نے دعویٰ کیا کہ ایک نامعلوم شخص نے سید حسن نصراللہ سے ملاقات کی ان سے ہاتھ ملایا اور ان کے ہاتھوں پر ایک کیمیکل لگا دیا جس کی مدد سے اسرائیل نے ان کا مقام ردیابی کیا۔
رپورٹ کے مطابق، اسرائیل نے صرف دو منٹ میں سید حسن نصراللہ کی موجودگی کی تصدیق کی اور جنوبی بیروت میں ان کے ہیڈکوارٹر پر حملہ کیا، دعویٰ کیا گیا کہ صیہونی جنگی طیاروں نے چند منٹوں کے اندر 80 ٹن بم نصراللہ کے ہیڈکوارٹر پر گراے۔
مزید دعویٰ کیا گیا کہ سید حسن نصراللہ اس حملے کے بعد زہریلی گیسوں کے سانس لینے کے نتیجے میں، ایک غیر ہوادار کمرے میں پناہ لیتے ہوئے شہید ہو گئے۔
صیہونی ریاست نے 23 ستمبر کو لبنان کے خلاف شمالی تیر نامی فوجی آپریشن کا آغاز کیا، جس کے دوران 27 ستمبر کو بیروت میں ہوائی حملہ کیا گیا اور سید حسن نصراللہ کی شہادت واقع ہوئی۔
مزید پڑھیں: کیا صیہونی سید حسن نصراللہ کو شہید کر کے پچھتائیں گے؟صیہونی میڈیا کی زبانی
حزب اللہ نے سید حسن نصراللہ کی شہادت کی تصدیق کرتے ہوئے اعلان کیا کہ جب تک اسرائیل کے حملے غزہ پر جاری رہیں گے، حزب اللہ کی مزاحمت اور جوابی کارروائیاں بھی جاری رہیں گی۔
