نیتن یاہو کے دفتر میں اعلیٰ سطحی سیکیورٹی اجلاس میں حکام کے درمیان شدید تلخ کلامی  

سچ خبریں:نیتن یاہو کے دفتر میں اعلیٰ سطحی سیکیورٹی اجلاس میں قیدیوں کے تبادلے اور حماس کے خلاف پالیسی پر اختلاف اس قدر بڑھا کہ گالم گلوچ تک نوبت پہنچ گئی  

روسیا الیوم کی رپورٹ کے مطابق، اسرائیلی وزیر اعظم بنیامین نیتن یاہو کے دفتر میں ایک اعلیٰ سطحی سیکیورٹی اجلاس تلخ کلامی اور گالیوں کے تبادلے کے ساتھ ختم ہوا۔

یہ بھی پڑھین:شکست چند جہتی؛ صیہونی حکومت کی صورتحال کا کلیدی لفظ

 اجلاس میں اسرائیلی فوجی اور انٹیلی جنس حکام نے قیدیوں کے تبادلے اور حماس سے جاری تنازع کے حوالے سے شدید اختلافات کا اظہار کیا۔

رپورٹ کے مطابق، اجلاس کے دوران نیتن یاہو نے شاباک کے سربراہ رونین بار اور اسرائیلی فوج میں قیدیوں کے امور کے نگران افسر نیتسان الون پر سخت تنقید کی، ان کی پالیسیوں پر سوال اٹھایا اور ان کی فیصلہ سازی کی صلاحیت کو کمزور قرار دیا۔

یہ تنازع ایسے وقت میں شدت اختیار کر گیا جب نیتن یاہو نے حال ہی میں اسرائیلی مذاکراتی ٹیم کو اچانک تبدیل کر دیا، جسے مبصرین ایک غیر معمولی اور بے یقینی کی علامت قرار دے رہے ہیں۔

اجلاس کے دوران نیتن یاہو کے قریبی وزیر، رون ڈرمر نے کہا کہ حماس کو کسی بھی صورت برداشت نہیں کیا جا سکتا، جبکہ نیتسان الون نے اس موقف کی مخالفت کرتے ہوئے کہا کہ حماس کے ساتھ مذاکرات کی مخالفت، قیدیوں کے تبادلے کے عمل کو مکمل طور پر روک سکتی ہے، اس بحث و مباحثے نے شدت اختیار کی اور بالآخر گالم گلوچ اور شدید لفظی جھڑپوں میں تبدیل ہو گئی۔

مزید پڑھیں:اسرائیلی فوج کے سابق چیف آف سٹاف نے بھی کی تسلیم غزہ جنگ میں اسرائیل کی شکست

 یہ اجلاس اسرائیلی قیادت کے اندرونی خلفشار اور پالیسیوں میں گہرے اختلافات کو بے نقاب کرتا ہے، خاص طور پر حماس کے ساتھ قیدیوں کے تبادلے کے معاملے پر، جس پر اسرائیلی حکومت یکساں مؤقف اختیار کرنے میں ناکام رہی ہے۔