حماس اسرائیل سے کروڑوں ڈالر کی جنگی غنیمت حاصل کرنے میں کامیاب

سچ خبریں:صہیونی ذرائع ابلاغ کے مطابق، اسرائیلی فوج نے غزہ میں کروڑوں ڈالر مالیت کا دھماکہ خیز مواد چھوڑ دیا جو حماس کے ہاتھ لگ گیا، اسرائیلی بموں کا 20 فیصد بغیر دھماکے کے زمین پر گرا، جو اب حماس کے لیے ایک قیمتی ذخیرہ بن چکا ہے۔

اسرائیلی ذرائع ابلاغ نے اعتراف کیا ہے کہ فلسطینی مزاحمتی تنظیم حماس نے غزہ کی پٹی میں اسرائیلی فوج سے کروڑوں ڈالر مالیت کا دھماکہ خیز مواد بطور غنیمت حاصل کیا ہے۔

یہ بھی پڑھیں: شمالی غزہ میں صیہونیوں کے خلاف مزاحمت کا زبردست جھٹکا

رأی الیوم ویب سائٹ کی رپورٹ کے مطابق، صہیونی سکیورٹی و عسکری ذرائع نے انکشاف کیا ہے کہ غزہ میں اسرائیلی جنگی طیارے جو بم گرائے تھے، ان میں سے بڑی تعداد پھٹنے میں ناکام رہی، جسے حماس نے اپنے قبضے میں لے لیا۔

اسرائیلی اخبار مارکر نے ایک اعلیٰ فوجی جنرل کے حوالے سے لکھا کہ یہ صورتحال ناقابل برداشت ہے،غزہ میں ہمارے درجنوں ٹن دھماکہ خیز مواد چھوڑے جا چکے ہیں، اور غالب امکان ہے کہ حماس اب انہیں اسرائیل کے خلاف اپنے مستقبل کے حملوں میں استعمال کرے گی۔

اس رپورٹ میں واضح کیا گیا ہے کہ اسرائیلی فضائی حملوں میں استعمال ہونے والے بموں میں سے تقریباً 20 فیصد اپنے ہدف پر پھٹنے میں ناکام رہے۔ یہی وجہ ہے کہ یہ مواد اب حماس کے لیے ایک قیمتی عسکری خزانے میں تبدیل ہو چکا ہے۔

اسرائیلی فوج کے ترجمان نے اس صورتحال کو تشویشناک قرار دیتے ہوئے کہا ہے کہ فوج اس معاملے کی تفتیش کر رہی ہے، تاہم، اس بات کی کوئی حتمی اطلاع موجود نہیں کہ کتنے بم غزہ میں غیر منفجرہ حالت میں گرے اور آیا وہ حماس کے قبضے میں آ چکے ہیں یا نہیں۔

مزید پڑھیں:غزہ جنگ کے بعد حماس کی نئی جنگی حکمت عملی؛امریکی اخبار کی رپورٹ

یہ واقعہ اسرائیلی فوج کے لیے نہ صرف ایک تکنیکی ناکامی بلکہ ایک اسٹریٹجک کمزوری بھی ثابت ہو رہا ہے، جس کا فائدہ براہ راست حماس کو ہو رہا ہے۔