غزہ میں جنگ بندی اور صہیونی جارحیت کے خاتمے کے بارے میں حماس کا بیان

16 جنوری 2025

سچ خبریں:اسلامی مزاحمتی تحریک حماس نے غزہ میں جنگ بندی معاہدے اور جنگ کے خاتمے پر اپنے ردعمل کا اظہار کرتے ہوئے اسے فلسطینی عوام، مزاحمتی تحریک، امت مسلمہ اور دنیا کے آزادی پسندوں کے لیے ایک اہم کامیابی قرار دیا ہے۔

الجزیرہ نیوز چینل کی رپورٹ کے مطابق اسلامی مزاحمتی تحریک حماس نے غزہ میں جنگ بندی معاہدے اور جنگ کے خاتمے پر اپنے ردعمل کا اظہار کرتے ہوئے کہا کہ یہ معاہدہ فلسطینی عوام کی ناقابل یقین مزاحمت اور غزہ کی پٹی میں گزشتہ 15 ماہ کے دوران ہماری بہادرانہ جدوجہد کا نتیجہ ہے۔

یہ بھی پڑھیں: غزہ میں جنگ بندی اور قیدیوں کے تبادلے کے معاہدے کی مکمل تفصیلات

حماس نے مزید کہا کہ یہ جنگ بندی اور جنگ کا خاتمہ ہماری جدوجہد کے لیے ایک سنگ میل ہے جو دشمن کے خلاف فلسطینی عوام کے حقوق، آزادی اور اپنے وطن کی واپسی کے لیے جاری ہے۔

حماس نے اس معاہدے کو غزہ کے صبر و استقامت سے بھرپور عوام کے تحفظ کے لیے اپنی ذمہ داری کا حصہ قرار دیتے ہوئے کہا کہ یہ معاہدہ دشمن صہیونی کی جارحیت اور قتل و غارتگری کے خاتمے، خونریزی روکنے، اور فلسطینی عوام کے خلاف ہونے والے مظالم کو ختم کرنے کی کوششوں کا نتیجہ ہے۔

حماس نے ان تمام عربی، اسلامی اور بین الاقوامی عوام اور حکومتوں کا شکریہ ادا کیا جنہوں نے غزہ کے ساتھ اظہار یکجہتی کیا، فلسطینی عوام کی حمایت کی اور دشمن کے جرائم کو بے نقاب کرنے اور جنگ کے خاتمے میں اپنا کردار ادا کیا۔

مزید پڑھیں: وعدہ صادق کی تکمیل؛ غزہ میں جنگ بندی معاہدے کو صہیونیوں کی بڑی شکست کیوں قرار دیا جا رہا ہے؟

بیان میں خاص طور پر قطر اور مصر کی کوششوں کو سراہتے ہوئے کہا گیا کہ ہم ان بھائیوں کے شکر گزار ہیں جنہوں نے اس معاہدے کے حصول کے لیے اہم کردار ادا کیا۔