امریکہ کے ہاتھوں بحیرہ احمر میں ماحولیاتی سانحہ

سچ خبریں:یمن کی وزارت زراعت نے خبردار کیا ہے کہ امریکہ کی جانب سے الحدیدہ کی بندرگاہ رأس عیسی پر کی جانے والی بمباری نے نہ صرف انسانی جانوں کا نقصان کیا ہے، بلکہ ایک ممکنہ ماحولیاتی تباہی کی راہ بھی ہموار کر دی ہے۔

عراقی نیوز ایجنسی المعلومه کی رپورٹ کے مطابق، یمن کی وزارت زراعت کی جانب سے جاری کردہ ایک بیان میں کہا گیا ہے کہ الحدیدہ کی بندرگاہ رأس عیسی پر امریکی فضائی حملے کے نتیجے میں تیل اور زہریلے کیمیائی مواد کے ذخیرے تباہ ہو چکے ہیں، جس کے بعد یہ خطرناک مادے بحیرہ احمر میں رسنے لگے ہیں۔

یہ بھی پڑھیں:صیہونی حکومت نے الحدیدہ بندرگاہ پر حملہ کیوں کیا؟

بیان میں مزید کہا گیا ہے کہ سمندری حیات براہ راست خطرے سے دوچار ہو چکی ہے، ان آبی حیات کا شمار نہ صرف قدرتی توازن کے محافظوں میں ہوتا ہے بلکہ یہی مچھلیاں اور دیگر حیاتیاتی ذرائع ہزاروں یمنی خاندانوں کی خوراک اور آمدن کا ذریعہ بھی ہیں۔

 واضح رہے کہ زہریلے مواد کا سمندر میں رساؤ نہ صرف حیاتیاتی نظام کو تباہ کر سکتا ہے بلکہ بحیرہ احمر کی آلودگی پورے خطے کو متاثر کر سکتی ہے۔

ترک ذرائع ابلاغ نے ترکی کی وزارت خارجہ کے حوالے سے بتایا ہے کہ ایک ترک آئل ٹینکر جو بندر رأس عیسی میں لنگر انداز تھا، امریکی بمباری کی زد میں آیا۔

حملے کے دوران ٹینکر کو دھماکے سے نقصان پہنچا، اور ترک حکام نے اس واقعے کو فوری طور پر اعلیٰ سطح پر اٹھایا ہے۔

یمنی طبی ذرائع کے مطابق امریکی جنگی طیاروں کے اس حملے میں اب تک کم از کم 74 افراد شہید اور 171 سے زائد زخمی ہو چکے ہیں، جن میں زیادہ تر بندرگاہ کے ملازمین اور مزدور ہیں،اس حملے کو یمنی عوام نے جارحیت اور انسانی حقوق کی سنگین خلاف ورزی قرار دیا ہے۔

مزید پڑھیں:ہم شدید ترین جنگ کے لیے تیار ہیں؛انصار اللہ امریکہ کو انتباہ 

درایں اثنا ماہرین ماحولیات اور انسانی حقوق کی تنظیمیں خبردار کر رہی ہیں کہ اگر اس زہریلے رساؤ کو فوری طور پر روکا نہ گیا، تو یہ ایک بین الاقوامی ماحولیاتی بحران میں تبدیل ہو سکتا ہے، جو بحیرہ احمر کے ساحلی ممالک اور وہاں کے ماہی گیری کے شعبے کو سخت متاثر کرے گا۔