چین میں گیس ذخائر میں بڑا حادثہ، درجنوں افراد ہلاک اور زخمی ہوگئے

13 جون 2021

بیجنگ (سچ خبریں) چین میں قدرتی گیس ذخائر میں بڑا حادثہ پیش آیاگیا جس کے نتیجے میں درجنوں افراد ہلاک اور زخمی ہوگئے جبکہ دھماکے سے متعدد دکانیں تباہ ہوگئیں جن کے ملبے تلے کئی شہری دب گئے ہیں۔

غیر ملکی میڈیا رپورٹس کے مطابق دھماکا چین کے شہر شیان کے ضلع زانگھوان میں سبزی منڈی میں ہوا جہاں شہری خریداری میں مصروف تھے، رپورٹس کے مطابق دھماکے سے متعدد دکانیں تباہ ہوگئیں جن کے ملبے تلے کئی شہری دب گئے۔

دھماکے کی اطلاع ملتے ہی ریسکیو ٹیمیں اور پولیس جائے حادثے پر پہنچ گئیں، ریسکیو ورکرز  نے 140 زخمیوں کو ملبے سے نکل کر اسپتال منتقل کردیا۔

رپورٹس کے مطابق زخمیوں میں بعض کی حالت تشویش ناک ہے، جائے حادثہ سے ملبہ ہٹانے کا کام جاری ہے جب کہ دھماکے کی نوعیت اور وجہ کا تعین کیا جا رہا ہے۔

موصولہ اطلاعات کے مطابق اسپتالوں کی جانب سے خون عطیہ کرنے کی اپیل کی گئی ہے، دوسری جانب شہری انتظامیہ نے دھماکے کی وجہ جاننے کے لیے تحقیقاتی عمل شروع کردیا ہے۔