بھارت اور پاکستان کے درمیان براہِ راست مذاکرات ضروری ہیں:روس

?️ 4 جون 2025

سچ خبریں:روسی وزیر خارجہ سرگئی لاوروف نے پاکستانی وزیر اعظم کے معاون خصوصی طارق فاطمی سے ملاقات میں زور دیا ہے کہ بھارت اور پاکستان کے درمیان براہ راست مذاکرات وقت کی ضرورت ہیں۔

روسی خبر رساں ایجنسی اسپوٹنک کی رپورٹ کے مطابق روسی وزارت خارجہ نے اعلان کیا ہے کہ اس ملک کے وزیر خارجہ سرگئی لاوروف نے پاکستان کے وزیر اعظم کے معاونِ خصوصی طارق فاطمی سے ملاقات کے دوران بھارت اور پاکستان کے درمیان براہِ راست مذاکرات کی ضرورت پر زور دیا ہے۔

یہ بھی پڑھیں:بھارت اور پاکستان کے درمیان تنازعہ؛ نئی دہلی کے سیاستدان کیا کہتے ہیں؟

رپورٹ کے مطابق، منگل کے روز روسی وزارت خارجہ کی جانب سے جاری کردہ بیان میں اس بات کی تصدیق کی گئی ہے کہ روسی وزیر خارجہ نے پاکستانی نمائندے کے ساتھ اہم مشاورت کی ہے۔

بیان کے مطابق، روسی وزیر خارجہ سرگئی لاوروف نے ملاقات کے دوران اس امر پر زور دیا کہ نئی دہلی اور اسلام آباد کو براہِ راست گفت و شنید کے عمل کو اپنانا چاہیے تاکہ دونوں ممالک کے درمیان تعلقات میں بہتری ممکن ہو۔

مزید پڑھیں:بھارت اور پاکستان کے درمیان جنگ بندی، کیسے ہوئی ؟

اس ملاقات کے دوران سرگئی لاوروف اور سید طارق فاطمی نے بھارت اور پاکستان کے باہمی تعلقات کی موجودہ صورتحال پر بھی گفتگو کی اور خطے میں امن و استحکام سے متعلق امور پر تبادلہ خیال کیا۔