مقبوضہ قدس کے قریب تباہ کن آتشزدگی؛ ہزاروں صہیونی آبادکار نقل مکانی پر مجبور

سچ خبریں:مقبوضہ قدس کے پہاڑی علاقوں میں وسیع آآتشزدگی اور صیہونی حکام کی ناکامی نے 10 ہزار سے زائد صہیونیوں کو علاقہ چھوڑنے پر مجبور کر دیا؛ مالی نقصان اربوں میں، حکومتی نااہلی پر شدید تنقید کی جا رہی ہے۔

مقبوضہ قدس کے پہاڑی علاقوں میں شدید آتشزدگی نے صہیونی حکام کو ہزاروں شہریوں کی ہنگامی نقل مکانی پر مجبور کر دیا ہے۔

یہ بھی پڑھیں:آتشزدگی کے نقصانات زیادہ ہیں یا لبنان کے ساتھ جنگ کے؟:صہیونی عہدیدار

صہیونی ذرائع ابلاغ کے مطابق، یہ آگ بدھ کے روز شروع ہوئی اور اب تک تقریباً 19600 دونم رقبہ کو اپنی لپیٹ میں لے چکی ہے،اسرائیلی فائر بریگیڈ کا کہنا ہے کہ وہ تاحال اس آتشزدگی پر قابو پانے میں ناکام رہے ہیں۔ روزنامہ یدیعوت احرونٹ نے تعمیر نو پر لاکھوں ڈالر کے اخراجات کا اندازہ لگایا ہے، جب کہ وزارت خزانہ کے ایک اعلیٰ اہلکار نے نقصان کو 1 ارب شیکل سے زائد قرار دیا ہے۔

عبرانی ٹی وی چینل کان کے مطابق، 9 سے زائد صہیونی بستیوں کے 10 ہزار سے زیادہ افراد کو نقل مکانی پر مجبور کیا گیا۔ 150 سے زائد فائر بریگیڈ ٹیمیں آگ بجھانے میں مصروف ہیں، جب کہ فوجی اڈے، ریلوے اسٹیشنز اور مرکزی شاہراہیں آگ کی لپیٹ میں ہیں۔

پولیس نے بھی صورتحال کا جائزہ لینے کے بعد قدس اور اطراف میں انخلاء کی تیاری جاری رکھنے کی ہدایت جاری کی ہے،چینل 7 کی رپورٹ کے مطابق، وزیر داخلہ و پولیس کمشنر کی مشترکہ میٹنگ کے بعد پولیس اہلکاروں کو تمام علاقوں میں تعینات کرنے کا فیصلہ کیا گیا۔

صہیونی ریسکیو سروس کے مطابق، آتشزدگی میں 13 افراد زخمی ہوئے ہیں، دریں اثناء، پولیس اور فائر بریگیڈ کی کارکردگی پر شدید تنقید کی جا رہی ہے۔

سکیورٹی ذرائع نے چینل 12 کو بتایا کہ انتظامیہ نے فوج کی ابتدائی وارننگز کو نظر انداز کیا اور آگ بجھانے میں مکمل طور پر ناکام رہی،ان کا کہنا تھا کہیہ ایک ناکامی ہے؛ فائر بریگیڈ نے ہوائی مدد کی درخواستیں مسترد کیں۔

مزید پڑھیں:اسرائیلی مقبوضہ علاقوں کو لاس اینجلس جیسی بڑی آتشزدگی کا خطرہ  

رپورٹس میں انکشاف ہوا کہ صیہونی وزیر داخلہ ایتامار بن گویر نے آگ بجھانے والے ہیلی کاپٹروں کی خریداری میں رکاوٹ ڈالی، جو اس آتش‌سوزی کو قابو میں لانے میں مددگار ثابت ہو سکتے تھے،اسرائیلی حکام نے بین الاقوامی مدد کی درخواست کی ہے،فرانس کے صدر ایمانوئل میکرون نے اسرائیل کو مالی معاونت فراہم کرنے کی پیشکش کی ہے تاکہ وہ آگ پر قابو پا سکے۔