لبنان کے مارون الراس علاقے میں خطرناک واقعہ؛صیہونیوں کا تحقیقات کرنے کا اعلان

19 دسمبر 2024

سچ خبریں:صہیونی ذرائع کے مطابق، کچھ صہیونی باشندے مقبوضی فلسطینِ کی سرحد عبور کر کے لبنان میں داخل ہو گئے ہیں جس کے بعد اسرائیلی قابض فوج نے اعلان کیا ہے کہ اس خطرناک واقعے کی تحقیقات جاری ہیں۔

النشرہ کے مطابق، صہیونی ذرائع نے اطلاع دی ہے کہ یہ افراد سرحد عبور کرتے ہوئے لبنان کے علاقے مارون الراس میں پہنچے اور وہاں خیمے لگا لیے ہیں۔

اسرائیلی قابض فوج نے اعلان کیا ہے کہ اس خطرناک واقعے کی تحقیقات جاری ہیں۔

یہ بھی پڑھیں: لبنانی فوج کو جنوب میں تعینات کرنے کا منصوبہ

یاد رہے کہ لبنان اور اسرائیلی قابض حکومت کے درمیان جنگ بندی کا معاہدہ 27 نومبر کو نافذ ہوا تھا، جو عمومی طور پر نافذ العمل ہے۔

اس معاہدے کے تحت لبنانی فوج اور اقوام متحدہ کی امن فورسز (یونیفل) جنوبی لبنان میں تعینات ہوں گی جبکہ اسرائیلی فوج 60 دنوں کے اندر وہاں سے پیچھے ہٹ جائے گی۔

گزشتہ جمعرات، امریکی سینٹکام (مرکز کمان) نے ایک بیان میں اعلان کیا کہ اسرائیلی قابض فوج نے جنوبی لبنان سے اپنی پہلی پسپائی کا آغاز کر دیا ہے اور اس کی جگہ لبنانی فوج تعینات کی جا رہی ہے۔

اسرائیلی قابض فوج نے بھی ایک بیان جاری کرتے ہوئے تصدیق کی کہ ان کی ساتویں بٹالین نے جنوبی لبنان کے علاقے الخیام میں اپنی ذمہ داری مکمل کر لی ہے۔

مزید پڑھیں: اسرائیل کے پاس لبنان میں جنگ بندی کے علاوہ کوئی چارہ نہیں

بیان میں مزید کہا گیا ہے کہ جنگ بندی کے معاہدے اور امریکی تعاون کے تحت، لبنانی مسلح افواج کے اہلکار یونیفل کے ساتھ جنوبی لبنان کے علاقے میں تعینات ہو چکے ہیں۔