عرب ملک میں دنیا کی سب سے بڑی جوہری تنصیبات کے تعمیراتی منصوبے کا آغاز  

سچ خبریں:روسی جوہری توانائی کمپنی روز اٹوم کے سربراہ نے اعلان کیا ہے کہ دنیا کی سب سے بڑی جوہری تنصیبات کا تعمیراتی منصوبہ ایک عرب ملک میں شروع کیا جا رہا ہے۔  

یہ بھی پڑھیں:سعودی عرب کا اپنا مخصوص جوہری پروگرام شروع کرنے کا اعلان

روسی نیوز ایجنسی روسیا الیوم کی رپورٹ کے مطابق روز اٹوم کے ڈائریکٹر جنرل الیکسی لیخاچوف نے کہا کہ مصر میں الضباعہ جوہری پاور پلانٹ کی تعمیر کا عمل پہلے سے طے شدہ منصوبے کے مطابق جاری ہے۔

انہوں نے مزید کہا کہ اس پلانٹ کے ری ایکٹر کی تنصیب نومبر 2024 میں شروع ہوگی، جو ایک انتہائی اہم قدم ہوگا اور اس تنصیبات کے یومِ پیدائش کے برابر ہوگا، یہ رقبے کے لحاظ سے زمین پر موجود سب سے بڑا جوہری تعمیراتی منصوبہ ہے۔

لیخاچوف نے بتایا کہ ری ایکٹر کی تنصیب کا کام مصر میں جوہری توانائی کے دن کے موقع پر نومبر میں کیا جائے گا، اس سال اس پلانٹ کی تعمیر کے لیے مزدوروں کی تعداد 30 ہزار تک بڑھا دی جائے گی، جبکہ زیادہ تر تعمیراتی کام مصری کمپنیوں کے ذریعے انجام دیا جائے گا۔

مزید پڑھیں:روس کا ایرانی جوہری مذاکرات میں شرکت کے لیے تیاری کا اعلان  

یاد رہے کہ روس اور مصر کے درمیان اس جوہری پاور پلانٹ کے تعمیراتی معاہدے پر نومبر 2015 میں دستخط ہوئے تھے۔