یمن پر فضائی حملے فوراً روک دیں گے؛امریکی صدر کا اعلان 

سچ خبریں:امریکی صدر ڈونلڈ ٹرمپ نے اعلان کیا ہے کہ یمن پر فضائی حملے فوری طور پر بند کیے جا رہے ہیں

الجزیرہ نیوز چینل کی رپورٹ کے مطابق امریکی صدر ڈونلڈ ٹرمپ نے اعلان کیا ہے کہ امریکہ یمن پر اپنے فضائی حملے فوری طور پر بند کر دے گا، انہوں نے یہ بیان منگل کے روز ایک پریس بریفنگ کے دوران دیا۔

یہ بھی پڑھیں: یمن نے امریکہ اور انگلینڈ کو دیا منھ توڑ جواب

ٹرمپ نے دعویٰ کیا کہ حوثیوں (یمنی افواج) نے کل کہا ہے کہ وہ مزید جنگ نہیں چاہتے اور یہ ایک خوش آئند خبر ہے۔ ہم یمن میں فضائی بمباری فوراً بند کر رہے ہیں۔

انہوں نے مزید کہا کہ میں حوثیوں (یمنی فوج) کی بات تسلیم کرتا ہوں کہ وہ اپنے حملے روک رہے ہیں، لہٰذا ہم نے بھی فوری طور پر اپنی بمباری ختم کرنے کا فیصلہ کیا ہے۔ انہوں نے کہا ہے کہ وہ اب مزید کسی بحری جہاز کو نشانہ نہیں بنائیں گے۔

تاہم، امریکی صدر نے اس اعلان کی مزید تفصیلات فراہم نہیں کیں لیکن عندیہ دیا کہ ایک نہایت اہم خبر مشرق وسطیٰ (مغربی ایشیا) کے دورے سے قبل جاری کی جائے گی۔

مزید پڑھیں:یمنیوں نے امریکہ کو میدان میں للکارا

ٹرمپ کی جانب سے یمن پر جارحیت کے خاتمے کا یہ دعویٰ ایسے وقت میں سامنے آیا ہے جب یمنی افواج نے تل ابیب کے بن گورین ایئرپورٹ پر بھرپور اور مؤثر حملے کیے ہیں، اور ان کے بیلسٹک میزائل اسرائیل کے فضائی دفاعی نظام کی متعدد پرتوں کو چیرتے ہوئے اپنے ہدف تک پہنچے۔ ان حملوں نے صہیونی ریاست کے حمایتیوں میں گہری تشویش پیدا کر دی ہے۔