سچ خبریں:بلومبرگ نے بتایا کہ ایک سروے کے نتائج کے مطابق 10 میں سے 6 برطانوی فیکٹریوں کو بند ہونے کے خطرے کا سامنا ہے۔
بلومبرگ امریکی میگزین نے اپنی ایک رپورٹ میں ایک لابی گروپ کے سروے کا حوالہ دیتے ہوئےلکھا کہ پورے برطانیہ میں توانائی کے بلوں میں تیزی سے اضافہ ہونے کی وجہ سے اس ملک کی تقریباً 60 فیصد فیکٹریاں بند ہونے کے شدید خطرے میں ہیں۔
رپورٹ کے مطابق میک یو کے کے کا کہنا ہے کہ تقریباً نصف مینوفیکچررز نے اپنے بجلی کے بلوں میں پچھلے سال کے مقابلہ میں 100 فیصد سے زیادہ اضافہ دیکھا ہے، انگریزی میڈیا MakeUK نے لکھا کہ موجودہ بحران کی وجہ سے کاروباری اداروں کو ایک سنجیدہ انتخاب کا سامنا ہے کہ اگر مدد جلد نہیں آتی ہے تو پیداوار بند کر دیں یا فیکٹری کو مکمل طور پر بند کر دیں۔
دریں اثنا، اے ایف پی نے قبل ازیں اطلاع دی تھی کہ ماہرین کے مطابق برطانوی توانائی کا ایک اہم حصہ سمجھی جانے والی گیس کی قیمتوں میں ہوشربا اضافے کے باعث ’آف جیم‘ آپریٹر سالانہ بجلی کے کرائے میں اضافہ کرنے جا رہا ہے جس کے مطابق اوسط گھرانے کے لیےموجودہ قیمت 1971 پاؤنڈ سے بڑھ کر 3500 پاؤنڈ ہو جائے گی جبکہ پیشین گوئیوں کے مطابق 2023 کے اوائل میں بجلی کی قیمت کی حد 6000 پاؤنڈ تک پہنچ جائے گی۔
