اقوامِ متحدہ میں ایران کی نمائندگی: امریکہ اپنے جرائم کی جوابدہی سے مسلسل انکار کر رہا ہے

?️ 3 جولائی 2026

سچ خبریں: اقوامِ متحدہ میں اسلامی جمہوریہ ایران کے مستقل مشن نے امریکہ پر الزام عائد کیا ہے کہ وہ اپنے مبینہ جرائم پر جوابدہی سے مسلسل گریز کر رہا ہے۔

ایران کے مشن نے جمعہ کے روز مقامی وقت کے مطابق کہا کہ 3 جولائی 1988 کو امریکی بحریہ نے خلیج فارس کے اوپر ایران ایئر کی پرواز 655 کو مار گرایا، جس کے نتیجے میں جہاز میں سوار تمام 290 شہری شہید ہو گئے، جن میں 66 بچے بھی شامل تھے۔

ایران کے مشن نے مزید کہا کہ اس وقت کے امریکی صدر نے ذمہ داری قبول کرنے کے بجائے اس کارروائی میں ملوث اہلکاروں کو اعزازات سے نوازا۔

بیان میں کہا گیا کہ یہی "عدمِ سزا کا کلچر” ہے جو آج تک جاری ہے—چاہے خلیج فارس میں پرواز 655 کو نشانہ بنانا ہو یا میناب (ایران) کے ایک اسکول پر ٹوماہاک میزائل حملہ، جس میں 168 طلبہ کی ہلاکت ہوئی۔

اقوامِ متحدہ میں ایران کے مشن نے کہا کہ امریکہ اب بھی اپنے ان اقدامات کی ذمہ داری قبول کرنے سے انکار کر رہا ہے۔

یاد رہےکہ مطابق 3 جولائی 1988 کو خلیج فارس میں ایک المناک واقعہ پیش آیا تھا جب امریکی بحری جہاز "یو ایس ایس ونسنس” سے داغے گئے میزائلوں نے ایران ایئر کا مسافر طیارہ نشانہ بنایا، جس کے نتیجے میں 290 مسافر اور عملے کے افراد جاں بحق ہو گئے۔ یہ واقعہ جدید فضائی تاریخ کے سب سے متنازع سانحات میں شمار ہوتا ہے۔

رپورٹ کے مطابق، طیارہ چند لمحوں میں فضا میں تباہ ہو گیا اور اس کے ملبے اور مسافروں کی لاشیں خلیج فارس کے پانیوں میں جا گریں۔

ایران کے مشن کے بیان میں یہ بھی کہا گیا کہ 9 اسفند 1404 کو امریکہ اور اسرائیل کے دوبارہ جنگی اقدامات کے دوران ایران کے صوبہ ہرمزگان کے شہر میناب میں ایک ابتدائی اسکول کو نشانہ بنایا گیا۔ اس حملے میں 264 بچوں کے موجود ہونے کے دوران دو میزائل داغے گئے، جس کے نتیجے میں 7 سے 12 سال کی عمر کے 168 طلبہ، اساتذہ اور والدین جاں بحق جبکہ 96 سے زائد افراد زخمی ہوئے۔

بیان کے مطابق متعدد متاثرین ملبے تلے کئی گھنٹوں تک دبے رہے، جبکہ کئی لاشیں شدید طور پر مسخ ہو چکی تھیں اور ان کی شناخت ممکن نہیں رہی۔