یوکرین کو موت کے منھ میں کون ڈھکیل رہا ہے؟

?️ 19 جولائی 2023

سچ خبریں: امریکہ یوکرین کو مزید 1.3 بلین ڈالر کا اسلحہ پیکج فراہم کرنے پر غور کر رہا ہے جس میں ایک نیا میزائل لانچر سسٹم بھی شامل ہے۔

روئٹرز خبر رساں ادارے نے ایک خصوصی رپورٹ میں لکھا ہے کہ امریکی حکام ویمپائر نامی 1.3 بلین ڈالر مالیت کے نئے ہتھیاروں کے پیکج جس میں میزائل لانچ سسٹم بھی شامل ہے، کو یوکرین بھیجنے کا منصوبہ بنا رہے ہیں۔

یوکرین کے لیے تازہ ترین امریکی فوجی امداد کی نقاب کشائی اس ہفتے کی جائے گی جس کے سلسلہ میں روؤٹرز نے دو امریکی حکام کے حوالے سے بتایا کہ کیف کو ویمپائر کے علاوہ، گولہ بارود، راڈار، کئی قسم کے خودکش ڈرون اور دیگر اینٹی ڈرون سسٹم بھی ملے گا۔

یہ بھی پڑھیں: یوکرین کے لیے نیا امریکی امدادی پیکج

اسلحہ بنانے والی امریکی کمپنی L3Harris کا تیار کردہ یہ نیا سسٹم پک اپ ٹرکوں سمیت زیادہ تر مال بردار گاڑیوں پر نصب کیا جا سکتا ہے اور اسے ایک مقررہ جگہ پر نصب کرنا بھی ممکن ہے۔

یہ نظام ہدف اور لانچنگ سینسر پر مشتمل ہے جو چار 70 ملی میٹر لیزر گائیڈڈ میزائلوں سے لیس ہے جسے صرف ایک آپریٹر کے ساتھ فضائی اور زمینی اہداف کے لیے استعمال کیا جا سکتا ہے۔

نئے امریکی ہتھیاروں کے پیکج میں دو قسم کے خودکش گولہ بارود (دھماکے سے لدے ڈرون جو اہداف تلاش کرنے کے لیے میدان جنگ میں چکر لگاتے ہیں)، فینکس گھوسٹ اور لیچڈ نائف بھی شامل ہیں۔

اس قسم کے ڈرون پہلے یوکرین بھیجے گئے تھے اور پچھلے سال 95 ملین امریکی ڈالر کے ہتھیاروں کے پیکج میں شامل تھے۔L3Harris اسلحہ ساز فیکٹری نے پہلے ویمپائر میزائل لانچر کی کیف پہنچانے کا اعلان کیا اور پھر تصدیق کی کہ اس نے پینٹاگون کے ساتھ 40 ملین ڈالر کا معاہدہ کیا ہے، جس کے مطابق وہ 2023 کے وسط تک یوکرین کو مزید چار سسٹم بھیجے گی اور 10 سسٹم سال کے آخر تک فراہم کرے گی۔

مزید پڑھیں:یوکرین جنگ ​​میں اب تک 38 بلین ڈالر کی امریکی امداد

یاد رہے کہ فروری 2022 میں یوکرین میں روسی فوجی کاروائیوں کے آغاز کے بعد سے امریکی صدر جو بائیڈن نے یوکرین کو 41.3 بلین ڈالر مالیت کے اسلحے کی براہ راست کھیپ کے ساتھ ساتھ سکیورٹی اسسٹنس انیشیٹو کے ذریعے 10 بلین ڈالر سے زیادہ کی ہتھیاروں کی امداد کی اجازت دی ہے۔