سچ خبریں:یوکرینی میڈیا کا کہنا ہے کہ اس ملک کے حساس عہدوں پر فائز اعلی عہدہ دار روس کے لیے جاسوسی کر رہے ہیں۔
کیف انڈیپنڈنٹ ویب سائٹ نے یوکرین کے ریاستی تحقیقاتی محکمے کے حوالے سے اطلاع دی ہے کہ اس ملک کی سلامتی کونسل کے سابق نائب سربراہ ولادیمیر سیوکووچ مبینہ طور پر روسی انٹیلی جنس سروس کے ساتھ تعاون کرنے اور اس کے لیے ایک نیٹ ورک کو منظم کرنے کے الزام کے سلسلہ میں تحقیقات کی جار رہی ہیں۔
اس اخبار کے مطابق جزیرہ نما کریمیا میں یوکرین کی سکیورٹی سروس کے نائب سربراہ اولخ کولینیچ کو گزشتہ ہفتے مذکورہ جاسوسی نیٹ ورک کا رکن ہونے کے الزام میں گرفتار کیا گیا تھا، یاد رہے کہ گزشتہ جنوری میں یوکرین میں جنگ شروع ہونے سے صرف چند دن پہلے، سیوکوک کو امریکی پابندیوں کی فہرست میں شامل کیا گیا تھا جس کے لیے انہوں نے کیف کو غیر مستحکم کرنے کے لیے روس کے اقدامات کی حمایت قرار دیا تھا۔
امریکیوں کے مطابق کریملن کی جانب سے انہوں نے جزیرہ نما کریمیا پر روس کی خودمختاری کو تسلیم کرنے کی حمایت کی،کیف انڈیپنڈنٹ ویب سائٹ نے مزید کہا کہ اب تک سینکڑوں یوکرینی باشندوں کو غداری اور دشمن کے ساتھ تعاون کے الزام میں گرفتار کیا جا چکا ہے، وہ عمل جسے یوکرین کے صدر ولادیمیر زیلینسکی نے اندر سے صفایا کہا ہے۔