یوم القدس کے بارے میں سید حسن نصر اللہ کی اپیل

🗓️ 31 مارچ 2024

سچ خبریں: حزب اللہ کے سکریٹری جنرل نے تمام مسلمانوں سے اپیل کی ہے کہ وہ آنے والے ہفتے کے دوران عالمی یوم القدس منانے میں بڑھ چڑھ کر حصہ لیں۔

حزب اللہ کے سکریٹری جنرل سید حسن نصر اللہ نے بیروت کے جنوبی مضافات میں واقع حارہ حریک علاقے میں سیدہ زینب کمپلیکس منعقدہ ایک تقریب سے خطاب کے دوران تمام مسلمانوں اور روزہ داروں سے کہا کہ وہ یوم القدس کے جلوس میں شرکت کریں اور اسے رمضان کے آخری جمعہ کو زندہ رکھیں۔

حزب اللہ سکریٹری جنرل نے پنے خطاب کے آغاز میں کہا کہ میں سیاسی صورتحال کے بارے میں کچھ نہیں کہوں گا، اس سلسلہ میں میری تقریر رمضان المبارک کے آخری جمعہ یعنی یوم قدس پر ہو گی۔

یہ بھی پڑھیں: عالمی میڈیا اور یوم القدس

سید حسن نصر اللہ نے روزہ داروں اور فلسطینی مزاحمت کے حامیوں سے خطاب کرتے ہوئے اعلان کیا کہ اس سال ہم عالمی یوم قدس کو خصوصی اور بالکل مختلف حالات میں منائیں گے۔

انہوں نے اس بات پر زور دیا کہ موجودہ حالات میں ہم غزہ کی پٹی میں صیہونی حکومت کے گھناؤنے جرائم کا مشاہدہ کر رہے ہیں۔

لبنان کے سکریٹری جنرل نے کہا کہ ایک طرف غزہ کی پٹی کے باشندے ان دنوں صیہونی حکومت کے ہر قسم کے گھناؤنے جرائم کا مشاہدہ کر رہے ہیں جن میں قتل و غارت، تباہی، فاقہ کشی، روز بروز تباہی، نقل مکانی اور خوف و ہراس شامل ہیں، دوسری طرف ایک اور میدان میں مزاحمتی جنگجو میدان جنگ میں ہیں، غزہ مزاحمت کر رہا ہے اور حملہ آوروں کے خلاف کھڑا ہے۔

مزید پڑھیں: یوم القدس کے موقع پر مسجد اقصیٰ سے 17 فلسطینی گرفتار

سید حسن نصر اللہ نے خطے کی موجودہ صورتحال اور قابضین کی فوجی جارحیت اور یمن، شام، عراق کے تنازعات نیز اقتصادی صورت حال کے بارے میں اپنے بیان کے ایک اور حصے میں کہا کہ موجودہ حالات میں روزہ داروں اور مزاحمت کاروں کے حامیوں سے درخواست ہے کہ وہ جارحوں کے خلاف مزاحمتی مجاہدین کی کامیابی کے لیے دعا کریں۔