یورپ کے لیے فوری طور پر روسی گیس کا متبادل تلاش کرنا ناممکن ہے:قطر

?️ 15 ستمبر 2022

سچ خبریں:قطر کے وزیر توانائی نے یورپ کو روسی گیس کی سپلائی کی صورت میں فوری طور پر اس کا متبادل تلاش کرنا ناممکن قرار دیا۔

قطر کے وزیر توانائی سعد الکعبی نے کہا کہ اگر یوکرین کے ساتھ روس کے تنازعہ کی وجہ سے یورپ کو روسی گیس کی سپلائی میں خلل پڑتا ہے تو نہ قطر اور نہ ہی کوئی دوسرا ملک روسی گیس کا متبادل فراہم کرنے کی صلاحیت رکھتا ہے، انہوں نے کہا کہ اس بات کو مدنظر رکھتے ہوئے کہ قطر کی گیس کا بڑا حصہ ایشیائی خریداروں کے ساتھ طویل مدتی معاہدوں کے لیے مختص کیا جاتا ہے جبکہ یورپ کو بھیجی جانے والی گیس کا حجم صرف 10-15% ہے۔

واضح رہے کہ قطر کے وزیر توانائی کے ان بیانات نے گیس کی سپلائی کے تحفظ سے متعلق یورپ کے خدشات کو مزید بڑھا دیا ہے،کعبی نے مزید کہا کہ میرے خیال میں روس یورپ کو 30-40% گیس سپلائی کرتا ہےجبکہ کوئی بھی ملک اتنی مقدار میں گیس فراہم نہیں کر سکتا اور نہ ہی کسی کے اس ایل این جی ایکسپورٹ کے ذریعے ایسا کرنے کی گنجائش ہے۔

واضح رہے کہ روس کے صدر ولادیمیر پیوٹن کی جانب سے مشرقی یوکرین کے دو خطوں کی آزادی کو تسلیم کرنے کے بعد، امریکہ اور اس کے یورپی اتحادیوں نے روس کے خلاف پابندیوں کے نئے دور کا اعلان کیا،ان پابندیوں کے نتیجے میں یورپ کو روسی گیس کی برآمدات روک دی گئیں۔