سچ خبریں:یمن کے المسیرہ نیوز چینل نے یمن پر امریکی تسلط کے عنوان سے ایک دستاویزی فلم شائع کی جس میں یاس ملک میں امریکی مداخلت کے تمام پہلوؤں کو واضح کیا گیا ہے اور یہ اچھی طرح سے دکھایا گیا ہے کہ کس طرح واشنگٹن نے صیہونی حکومت کی سلامتی کو برقرار رکھنے کی کوشش کی۔
یمن کے المسیرہ نیوز چینل نے تسلط کے نام سے ایک دستاویزی فلم شائع کی ہے جو کئی حصوں پر مشتمل ہے اور اس ملک پر امریکہ کے کنٹرول کے بارے میں ہے،اس دستاویزی فلم میں آپ وہ مناظر دیکھ سکتے ہیں جو پہلی بار نشر کیے گئے ہیں۔
المسیرہ نے رپورٹ دی ہے کہ اس دستاویزی فلم میں سکیورٹی اور فوجی شعبوں میں کام کرنے والے یمن کے متعدد سابق اہلکاروں نے امریکہ کی مداخلتوں اور یمن کے خلاف اس ملک کی سازشوں کے بارے میں بات کی ہے،مزید یہ کہ 21 ستمبر کے انقلاب سے پہلے امریکی تسلط کے خطرناک ترین ہتھیاروں کی تفصیلات اور معلومات اس دستاویزی فلم میں نشر کی گئی ہیں۔
یاد رہے کہ 2014 میں یمنی عوام نے مستعفی صدر عبد ربہ منصور ہادی کی حکومت کے خلاف ملکی معاملات میں نااہلی اور اس ملک میں امریکی مداخلتوں کی وجہ سے زبردست مظاہرے شروع کیے، جس کے نتیجے میں 21 ستمبر 2014 کو منصور ہادی کو برطرف کر دیا گیا اور انصار اللہ نے صنعاء کا کنٹرول سنبھال لیا۔
اس دستاویزی فلم میں یمنی فوج کے درمیان امریکی فوجی سرگرمیوں کی خصوصی تصاویر شائع کی گئی ہیں،امریکیوں نے یمنی فوجیوں کی تربیت کی آڑ میں اپنی سازشوں کو انجام دیا۔
