یمنی فوج کا بہار فتح نامی آپریشن کی تفصیلات کا اعلان

?️ 24 اکتوبر 2021

سچ خبریں:یمنی مسلح افواج کے ترجمان نے اعلان کیا کہ وہ اتوار کو ایک پریس کانفرنس کے دوران مأرب اور شبوہ صوبوں میں بہار فتح نامی بڑے پیمانے پر آپریشن کی تفصیلات کا اعلان کریں گے۔
المسیرہ چینل کی رپورٹ کے مطابق یمنی مسلح افواج کے ترجمان یحیی سریع نے اعلان کیا ہے کہ وہ اتوار کو یمنی فورسز کی جانب سے مأرب اور شبوہ صوبوں میں بڑے پیمانے پر آپریشن کی تفصیلات جاری کریں گے۔

رپورٹ کے مطابق یمنی مسلح افواج کے ترجمان نے کہا کہ بہار فتح نامی بڑے پیمانے پر کیے جانے والے آپریشن کے دوران مأرب اور شبوہ صوبوں کے متعدد علاقے آزاد کرائے گئے۔

انہوں نے زور دیا کہ یمنی ڈرون ، میزائل اور فضائی دفاعی یونٹس نے آپریشن میں حصہ لیا، آپریشن کی ریکارڈ شدہ تصاویر اور ویڈیوز بعد میں جاری کی جائیں گی۔

اس دوران یحیی سریع نے گذشتہ ہفتے ایک نیوز کانفرنس کے دوران مأرب میں سعودی اتحادی عناصر کے زیر قبضہ متعدد علاقوں کو آزاد کرانے کا اعلان کیا۔