یمنیوں کا جنوبی سعودی عرب پر حملہ، درجنوں سعودی فوجی ہلاک

🗓️ 21 اکتوبر 2021

سچ خبریں:سعودی ذرائع ابلاغ نے سعودی ذرائع کے حوالے سے خبر دی ہے کہ یمنی انصار اللہ افواج کے راکٹ حملے میں کئی افسران سمیت درجنوں سعودی فوجی ہلاک اور زخمی ہوئے ہیں۔
یمنی میڈیا کے مطابق سعودی کارکنوں نے ٹویٹ کیا کہ صوبہ جازان میں واقع ابو عریش علاقہ میں سعودی فوجی چوکیوں پر یمنی فوج کے بدھ کی صبح کے حملے میں سعودی فوج کے 6 افسران اور 12 فوجی ہلاک جبکہ 20 دیگر زخمی ہوگئے۔،یہ موتیں اس حملے میں ہونے والیے نقصانات کا ایک حصہ ہے۔

واضح رہے کہ علاقے کے مکینوں نے اپنے کچھ افسروں اور فوجیوں کی ہلاکت کا اعلان ٹویٹر پر ان میں سے کئی ایک کے نام پوسٹ کرکے کیا،رپورٹ کے مطابق کیپٹن عبداللہ ناصر الوہیبی ، لیفٹیننٹ فیصل فہد العجیان ، لیفٹیننٹ عبداللہ علیان مطرب الحربی ، لیفٹیننٹ ناصرعویض الذیابی العتیبی اور سارجنٹ محمد عطودی حملے میں ہلاک ہونے والے سعودی فوجیوں میں شامل ہیں۔

یادرہے کہ سعودی عرب نے پچھے چھ سال سے سب سے غریب عرب ملک یمن کے خلاف بڑے پیمانے پر جارحیت کا آغاز کیا ، جس کے لیے اس نے کئی عرب ممالک کے اتحاد کی شکل میں امریکہ کی مدد اور سبز روشنی کے ساتھ اپنے سیاسی مقاصد اور عزائم کے حصول کے لیے اس ملک کے معزول اور مفرور صدر عبد المنصور ہادی کے اقتدار میں واپس آنے کا بہانہ بنایا۔

واضح رہے کہ اقوام متحدہ کی ایجنسیوں بشمول عالمی ادارہ صحت اور یونیسیف نے بار بار خبردار کیا ہے کہ یمنی عوام کو قحط اور ایک انسانی تباہی کا سامنا کرنا پڑ رہا ہے جو کہ پچھلی صدی میں بے مثال ہے،تاہم سعودی حملوں کی روک تھام کے لیے کوئی مؤثر قدم نہیں اٹھایا۔