ہڑتال کے باعث برطانوی ریلوے کا نظام مفلوج

?️ 15 مئی 2023

سچ خبریں:برطانوی ریلوے ورکرز کی سب سے بڑی ٹریڈ یونین کے رہنما نے اس شعبے کے ملازمین کی ہڑتال جاری رہنے کے بعد بحران کا مقابلہ کرنے کے لیے حکام سے خصوصی میٹنگ کی درخواست کی۔

برطانوی ریلوے ملازمین کی سب سے بڑی ٹریڈ یونین کے رہنما نے اس ملک کے وزیر ٹرانسپورٹ کو لکھے گئے خط میں ہڑتال کے جاری رہنے کی وجہ سے افراتفری کی صورتحال کو حل کرنے کے لیے یونین اور اس ملک کے حکام کے درمیان میٹنگ کا مطالبہ کیا ہے۔

نیشنل نیوز کے ڈیٹا بیس کے مطابق، انگلینڈ کی ریل، سمندری اور زمینی نقل و حمل” یونین کے جنرل سیکرٹری مِک لِنچ نے اس ملک کے وزیرِ ٹرانسپورٹ مارک ہارپر کے نام لکھے گئے ایک خط میں تنازعہ کو حل کرنے کے لیے یونینوں، آجروں اور حکومت کے درمیان ایک میٹنگ کرنے کا مطالبہ کیا۔

برٹش ٹرانسپورٹ سکریٹری کو لکھے گئے اپنے خط میں، لنچ نے لکھا کہ یہ ان کی یونین کے ممبران اور عوام کے لیے واضح ہو چکا ہے کہ نجی شعبے کا ٹرین کا کاروبار ناکام ہو گیا ہے۔

انہوں نے لکھا کہ اس کے باوجود آپ کی حکومت کے اب تک کے اقدامات نے اس ناکامی کو 10 گنا بدتر بنا دیا ہے اور ہمارے ریلوے میں افراتفری پیدا کر دی ہے، اور انگلینڈ میں ریل تنازعہ سے نمٹنے کے اس طریقے سے ریل ٹرانسپورٹ انڈسٹری کو دیرپا نقصان پہنچنے کا خطرہ ہے۔

انہوں نے مزید کہا کہ ہماری ریل صنعت آنے والے مہینوں میں مزید اور بدتر رکاوٹوں کی لپیٹ میں آنے کے دہانے پر ہے، تاہم آپ کی حکومت حل کے حصول میں مدد کرنے کے بجائے، بار بار مذاکرات کو ناکام بناتی ہے نیز مینیجرز اور یونینوں کو ایک ساتھ لانے کے بجائے، آپ ان کے درمیان تقسیم کو مزید گہرا کر رہے ہیں۔