دنیا

ہم خود کو دھوکہ نہیں دے سکتے: اسرائیلی صحافی

14
دسمبر

?️ 14 دسمبر 2025

سچ خبریں: اسرائیلی ٹی وی چینل 14 کے نامور صحافی "تمیر موراگ” نے تسلیم کیا ہے کہ اسرائیلی قیادت خود فریبی کا شکار ہے۔ ان کا کہنا تھا کہ ہم خود کو دھوکہ نہیں دے سکتے۔

اگر ہم حماس کے عسکری ونگ القسام کے نمبر 2 کمانڈر یا حتیٰ کہ نمبر 1 کمانڈر عزالدین الحداد کو بھی نشانہ بنا دیں، تو اس کا یہ مطلب ہرگز نہیں کہ غزہ میں حماس کا خاتمہ ہو جائے گا۔

موراگ نے اپنی رپورٹ میں واضح کیا کہ حماس اور اس کا عسکری ونگ القسام اب بھی متعدد کمانڈروں پر مشتمل ہے، خواہ وہ میڈیا میں اتنے معروف نہ بھی ہوں۔

انہوں نے مزید انکشاف کیا کہ ہزاروں تربیت یافتہ جنگجو، جدید اسلحہ، بھاری مقدار میں دھماکہ خیز مواد اور سینکڑوں کلومیٹر طویل زیر زمین سرنگوں کا نیٹ ورک حماس کے مؤثر کنٹرول میں ہے۔

یہ بیان ایسے وقت میں سامنے آیا ہے جب گزشتہ روز اسرائیلی میڈیا نے دعویٰ کیا تھا کہ غزہ شہر کے جنوب مغربی علاقے میں ڈرون حملے میں حماس کے عسکلی ونگ القسام کے ایک سینئر کمانڈر رائد سعد کو ہلاک کر دیا گیا ہے۔

Short Link

Copied