سچ خبریں:چین کے وزیر خارجہ نے آج ایک نیوز کانفرنس میں کہا کہ ان کا ملک امریکہ کے ساتھ مساوی بات چیت اور باہمی تعاون کا خیرمقدم کرتا ہے ، تاہم وہ واشنگٹن کا سامنا کرنے سے نہیں ڈرتا اور آخری دم تک لڑے گا۔
آر آئی اے نووستی کی رپورٹ کے مطابق چین کے وزیر خارجہ وانگ یی نے پیر کو کہا کہ بیجنگ امریکہ کے ساتھ تعاون کا خیرمقدم کرتا ہے لیکن واشنگٹن کا سامنا کرنے سے نہیں ڈرتا اور تصادم کی صورت میں آخری دم تک لڑے گا،انہوں نے بیجنگ میں چینی سفارت کاری اور دنیا کی موجودہ صورتحال پرمنعقدہ ایک کانفرنس سے خطاب کرتے ہوئے کہا کہ چین کا موقف واضح اور ناقابل تبدیلی ہے۔
انھوں نے کہا کہ اگر بات چیت برابر ہو اور ایسا تعاون جو دونوں فریقوں کے لیے فائدہ مند ہو خوش آئند ہے،لیکن ایسا نہ ہو تو ہم تصادم سے نہیں ڈرتے اور آخری دم تک لڑیں گے،چینی وزیر خارجہ نے اس بات پر بھی زور دیا کہ تعاون دونوں فریقوں کے فائدے میں ہوگا اور تصادم سے سب کو نقصان پہنچے گا، ان کے بقول پچھلے سال محاذ آرائی میں اضافے نے ایک بار پھر ظاہر کیا کہ اس حقیقت کی بنیادی وجہ کہ چین-امریکہ تعلقات سنگین مسائل اور بہت سے چیلنجوں کا سامنا کر رہے ہیں جبکہ چین-امریکہ تعلقات کے بارے میں واشنگٹن کا اسٹریٹجک غلط فیصلہ ہے۔
وانگ نے مزید کہا کہ امریکہ میں کچھ لوگ یہ قبول نہیں کرنا چاہتے کہ دوسرے ممالک کو ترقی کا حق حاصل ہے، وہ اس حقیقت کو قبول نہیں کرنا چاہتے کہ چین مسلسل مضبوط اور ترقی کر رہا ہے، وہ اس بات کو قبول نہیں کرنا چاہتے کہ چین اور امریکہ باہمی طور پر فائدہ مند تعاون کو آگے بڑھا سکتے ہیں بلکہ اس کے برعکس چین پر قابو پانے اور اسے دبانے کے لیے ایک گروپ بنانے کی کوشش کر رہے ہیں۔
