سچ خبریں:انگلینڈ کے مستعفی وزیر اعظم بورس جانسن نے ایک ملک کی خراب معاشی حالت کا ذمہ دار پیوٹن کو ٹھہراتے ہوئے اعتراف کیا کہ توانائی کے بل اس موسم سرما میں لوگوں کو رلا دیں گے۔
انگلینڈ کے سبکدوش ہونے والے وزیر اعظم بورس جانسن نے اتوار کے روز دی میل‘اخبار کے لیے لکھے گئے ایک کالم میں روس کے صدر ولادی میر پیوٹن کو یورپ میں بحران کی شدت کا ذمہ دار ٹھہرایا اور دعویٰ کیا کہ انہیں یہ صورتحال پسند ہے۔
بورس جانسن نے اعتراف کیا ہے کہ توانائی کے بل اس موسم سرما میں لوگوں کے آنسو بہا دیں گے اور حرارت کی قیمت کچھ لوگوں کے لیے بہت خوفناک ہے۔ انگلستان کے مستعفی وزیراعظم، جو روس کے ساتھ تنازع میں یوکرین کے اہم فوجی حامیوں میں سے ایک ہیں، نے روس کے صدر پر الزام لگاتے ہوئے کہا کہ یہ پوٹن کی جنگ ہے جس کی قیمت برطانوی صارفین کے کندھوں پر آئی ہے۔
انہوں نے مزید کہا کہ یہی وجہ ہے کہ آپ کا توانائی کا بل دوگنا ہو گیا ہے اس لیے کہ پیوٹن چاہتے ہیں کہ ہم اس مشکل صورتحال سے دوچار ہوں، انہوں نے یہ بھی خبردار کیا کہ یوکرین کی حمایت واپس لینا مکمل پاگل پن ہوگا، برطانیہ میں، تیزی سے بڑھتی ہوئی توانائی کی قیمتوں کے سماجی نتائج کے بارے میں خدشات بڑھ رہے ہیں۔
