سچ خبریں:ایک سروے کے نتائج سے ظاہر ہوتا ہے کہ زیادہ تر امریکی نہیں چاہتے کہ ڈونلڈ ٹرمپ 2024 کے صدارتی انتخابات میں جیتں۔
فاکس نیوز کی رپورٹ کے مطابق نیشنل پبلک ریڈیو (این پی آر) کے لیے کیے گئے مارسٹ انسٹی ٹیوٹ کے ایک نئے سروے سے پتہ چلتا ہے کہ صرف 38 فیصد امریکی بالغ افراد ڈونلڈ ٹرمپ کو دوبارہ صدر بنانا چاہتے ہیں۔
اس سروے میں 61 فیصد شرکاء نے کہا کہ وہ یہ پسند نہیں کرتے کہ امریکہ کے سابق صدر اس ملک کے 2024 کے انتخابات میں جیتیں اور دوبارہ وائٹ ہاؤس پہنج جائیں،اس اعداد و شمار کا مطلب ہے کہ 10 میں سے 6 امریکی نہیں چاہتے کہ ٹرمپ وائٹ ہاؤس واپس آئیں!
اس سروے کے مطابق 76% ریپبلکن، 34% آزاد اور 11% ڈیموکریٹس چاہتے ہیں کہ ٹرمپ وائٹ ہاؤس واپس آئیں جبکہ دوسری جانب 89% ڈیموکریٹس، 64% آزاد کارکن اور 21% ریپبلکن نہیں چاہتے کہ ٹرمپ دوبارہ امریکہ کے صدر بنیں نیز تقریباً 39% امریکی سیاستدانوں کی رائے ٹرمپ کے حق میں ہے۔
یاد رہے کہ پچھلے سال نومبر کے سروے سے یہ تعداد 3 فیصد کم ہوئی ہے جبکہ ٹرمپ نے 2024 کے امریکی صدارتی انتخابات کے لیے اپنی امیدواری کا باضابطہ اعلان کیا ہے، تاہم 81% ریپبلکن اور 37% آزاد سیاست دان ان کے بارے میں مثبت رائے رکھتے ہیں۔
قابل ذکر ہے کہ ریاستہائے متحدہ کے سابق صدر اس وقت فحش فلموں کی ایک اداکارہ کو خاموش رہنے پیسے دینے کے الزام میں زیر تفتیش ہیں،انہوں نے گزشتہ ہفتے دعویٰ کیا تھا کہ انہیں اگلے چند دنوں میں گرفتار کر لیا جائے گا، تاہم ابھی تک ایسا نہیں ہوا۔
واضح رہے کہ مذکورہ سروے میں، 46 فیصد لوگوں کا خیال ہے کہ ٹرمپ نے غیر قانونی کام کیا ہے جبکہ 29٪ کا خیال ہے کہ یہ کام غیر اخلاقی تھا غیر قانونی نہیں تھااور 23٪ کا خیال ہے کہ انہوں نے کچھ غلط نہیں کیا!
یاد رہے کہ تقریباً 56 فیصد امریکیوں کا کہنا ہے کہ ٹرمپ کے خلاف تحقیقات منصفانہ ہیں جبکہ 41 فیصد کا خیال ہے کہ یہ اقدامات ان کی انتخابی مہم کو مشکل بنانے کے لیے کیے جا رہے ہیں۔
