پیوٹن نے روس پر حملہ کیا ہے؛بائیڈن کی لاجواب حاضر دماغی

🗓️ 8 مارچ 2022

یوکرائنیوں کو ایرانی کہنے کے بعد اب کی بار امریکی صدر جوبائیڈن نے یوکرائن کو روس کہا ہے۔
امریکی صدر جو بائیڈن نے کانگریس سے اپنے پہلے سالانہ خطاب میں غلطی سے کرائنیوں کو ایرانی کہنے کے بعد اب یوکرائن کو روس کہا جس کی وجہ سے سائبر اسپیس میں ایک بار پھر ان کا مذاق اڑایا گیا،انھوں نے کہا کہ ہم اس مقام پر کیسے پہنچے جہاں، آپ جانتے ہیں کہ پیوٹن نے روس پر حملہ کرنے کا فیصلہ کیا؟جبکہ دوسری جنگ عظیم کے بعد ایسا نہیں ہوا۔

یادرہے کہ چند روز قبل کانگریس میں یوکرائن کی حالت پر اپنی پہلی تقریر میں بائیڈن نے غلطی سے یوکرائنی عوام کو ایرانی عوام کہہ کر مخاطب کیا، انہوں نے کہا کہ روسی صدر ولادیمیر پیوٹن ٹینکوں سے کیف کا محاصرہ کر سکتے ہیں، لیکن وہ کبھی بھی ایرانی عوام کے دلوں اور روحوں پر قبضہ نہیں کر سکتے۔

قابل ذکر ہے کہ 79 سالہ امریکی صدر جو 2020 کی انتخابی مہم میں کامیابی کے بعد سے اپنی جسمانی اور ذہنی صحت کے بارے میں بار بار تنقید اور سوالات کا شکار رہے ہیں، نے حال ہی میں اٹلانٹا میں اپنی نائب کو صدر کہہ کر خطاب کیا، امریکی صدارتی انتخابات کے نتائج کے اعلان کے بعد سے جو بائیڈن بارہا کملا ہیرس کو منتخب صدر کہہ چکے ہیں، 2020 کے امریکی صدارتی انتخابی مہم کے دوران اور اس کے بعد سے، ٹرمپ نے بار بار موجودہ ڈیموکریٹک صدر کو ہمیشہ سونے والا کہا ہے۔