"ٹرگر میکانزم” کے فعال ہونے کا مطلب سیاسی کوششوں کا خاتمہ نہیں ہے: فرانس

سچ خبریں: فرانس کے وزیر خارجہ نے اعلان کیا ہے کہ یورپی ٹرائیکا ایران کے ساتھ مذاکرات کے لیے 30 دن کی مہلت کا استعمال کرنے کے خواہاں ہے۔

انہوں نے دعویٰ کیا کہ ایران کے جوہری اقدامات کو مزید بگڑنے نہیں دینا چاہیے۔ ایران پر پابندیاں بحال کرنے کا فیصلہ سفارتی کوششوں کے خاتمے کا اشارہ نہیں ہے۔

جرمنی کے وزیر خارجہ نے بھی زور دیا کہ ایران کو فی الوقت بین الاقوامی ایٹمی توانائی ایجنسی کے ساتھ مکمل تعاون کرنا چاہیے اور یورپ کے ساتھ براہ راست مذاکرات پر کاربند رہنا چاہیے۔

روئٹرز کے مطابق، یورپی ٹرائیکا نے اقوام متحدہ کی سلامتی کونسل کو بھیجے گئے ایک خط میں اعلان کیا ہے کہ وہ اسلامی جمہوریہ ایران کے خلاف ‘ٹریگر میکانزم’ فعال کر رہے ہیں تاکہ ایران پر اقوام متحدہ کی پابندیاں دوبارہ عائد کی جا سکیں۔

روئٹرز کے دعوے کے مطابق، جرمنی، برطانیہ اور فرانس نے سلامتی کونسل کے نام ایک بیان میں کہا ہے کہ انہوں نے فیصلہ کیا ہے کہ تہران پر پابندیاں بحال کرنے کی اکتوبر کے وسط میں ختم ہونے والی صلاحیت سے پہلے ایران کے خلاف سنیپ بیک میکانزم فعال کر لیا جائے۔