وزارت داخلہ غزہ نے اپنے شہریوں کو امریکی امدادی اداروں کے ساتھ تعاون نہ کرنے کی تاکید کی

وزارت داخلہ غزہ نے اپنے شہریوں کو امریکی امدادی اداروں کے ساتھ تعاون نہ کرنے کی تاکید کی

وزارت داخلہ غزہ نے شہریوں کو متنبہ کیا ہے کہ وہ امریکی امدادی اداروں کے ساتھ کسی بھی قسم کا تعاون نہ کریں کیونکہ یہ ادارے بظاہر انسانی ہمدردی کے نام پر سرگرم ہیں مگر دراصل ان کے پیچھے سیکورٹی اور انٹیلی جنس مقاصد کارفرما ہیں۔

وزارت داخلہ نے اپنے باضابطہ بیان میں کہا کہ فلسطینی شہری کسی بھی صورت میں ان اداروں کو ذاتی معلومات، رپورٹس یا تصاویر فراہم نہ کریں کیونکہ یہ معلومات امداد کے بہانے طلب کی جا رہی ہیں۔

بیان میں مزید کہا گیا کہ امریکی ادارے کی جانب سے متعارف کرایا گیا نیا نظام دراصل ایک سکیورٹی و جاسوسی نیٹ ورک ہے جو شہریوں کو دھوکہ دے کر قابض قوتوں کے لیے معلومات اکٹھی کرتا ہے۔

وزارت نے الزام لگایا کہ یہ نام نہاد امدادی مراکز غزہ میں اسرائیلی منصوبوں سے ہم آہنگ ہیں اور مقامی شہریوں کو اپنی جال میں پھنساکر ان سے قبضہ گروپ کے ساتھ تعاون کروانے کی کوشش کرتے ہیں۔

مقامی فلسطینی ذرائع اور بین الاقوامی میڈیا کے مطابق، ان امریکی و صیہونی مراکز کو عوامی حلقوں میں کمین گاہِ موت کہا جاتا ہے کیونکہ اب تک ان کے اندر اور اردگرد ہزاروں فلسطینی شہید یا زخمی ہو چکے ہیں۔