نیٹو یوکرین کی جنگ میں شامل ہے:روس

🗓️ 17 اکتوبر 2022

سچ خبریں:کریملن کے ترجمان نے یوکرین کی جنگ میں نارتھ اٹلانٹک ٹریٹی آرگنائزیشن کے ملوث ہونے پر تنقید کی۔

اسپوٹنک نیوز ایجنسی کی عربی ویب سائٹ کے مطابق روسی ایوانِ صدر کے سرکاری ترجمان دیمتری پیسکوف نے اعلان کیا کہ شمالی بحر اوقیانوس کے معاہدے کی تنظیم (نیٹو) درحقیقت یوکرین کی جنگ میں شامل ہے، تاہم اس کا روس کے خصوصی آپریشنز کے اہداف پر کوئی اثر نہیں پڑا۔

رپورٹ کے مطابق، دمتری پیسکوف نے روس 1 چینل پر نشر ہونے والے "ماسکو۔ کریملن۔ پوتن” نامی پروگرام میں کہا کہ درحقیقت نیٹو یوکرین کے بحران میں ملوث ہےلیکن اس سے ہمارے تمام معاملات اور اہداف کسی بھی طرح متاثر نہیں ہوئے جس کا مطلب یہ ہے کہ روسی خصوصی آپریشن جاری ہے اور اسے آخر تک نافذ کیا جائے گا۔

روس کے لیے اس کام کی مشکل سے متعلق ایک سوال کے جواب میں انھوں نے کہا کہ یہ مسئلہ ہمارے لیے بہت مشکل ہے،روسی عہدہ دار نے کہا کہ ہوسکتا ہے کہ یہ مسئلہ ہمارے اور دوسروں کے لیے اقتصادی میدان میں رضاکارانہ طور پر داخل ہونے کی ضرورت بن جائے لیکن ایک خاص مسئلہ جو کیف کا نظام ہے اور دوسرا مسئلہ نیٹو کی صلاحیتوں کا ہے جو ایک اضافی بوجھ ہے، تاہم ہماری صلاحیتیں اس کی اجازت دیتی ہیں کہ ہم اس طرح کے حالات میں بھی آپریشن کو جاری رکھیں۔