نوسانتارا انڈونیشیا کا نیا دارالحکومت

🗓️ 18 جنوری 2022

سچ خبریں:انڈونیشیا کے وزیر برائے ترقی اور منصوبہ بندی نے پیر کے روز مشرقی کلیمانتان میں ملک کے نئے دارالحکومت کا نام نوسنتارارکھنے کا اعلان کیا۔
انڈونیشیا کی انتارانیوز ایجنسی کی رپورٹ کے مطابق اس ملک کے ترقی اور منصوبہ بندی کے وزیر سہارسو مونو ارفا نے اعلان کیا کہ مشرقی کلیمانتان میں ملک کے نئے دارالحکومت کا نام نوسنتارارکھا جائے گا،انہوں نے مزید کہاکہ انڈونیشن زبان میں نوسانتارا” کا مطلب جزیرہ نما ہے اور یہ نام اس ملک کے صدر کے براہ راست حکم اور منظوری سے رکھا گیا ہے۔

سہارسو مونو ارفا نے نئے دارالحکومت کے قیام کے لیے تشکیل دی جانے والی خصوصی کمیٹی کے ساتھ ایک میٹنگ کے دوران کہا کہ جس وجہ سے نوسانتارا کو دارالحکومت کے طور پر منتخب کیا گیا، اس کا ایک علامتی بین الاقوامی پس منظر ہے جو ہمیں جمہوریہ انڈونیشیا کے جزیرے کی یاد دلاتا ہے،میرے خیال میں سب اس نام سے متفق ہیں۔

انہوں نے مزید کہا کہ نامزدگی کے لیے تاریخ دانوں اور ماہرین لسانیات سے مشورہ کیا گیا اور پھر صدر کو پیش کیا گیا جبکہ دوسری طرف، نام کے کچھ مخالفین کا خیال ہے کہ نوسانتارا ممکنہ طور پر مبہم ہو سکتا ہے کیونکہ یہ لفظ کسی ملک کی خصوصیات کو بیان کرنے کے لیے استعمال ہوتا ہے۔

تاہم ابھی اس بارے میں حتمی فیصلہ نہیں کیا گیا کہ نیا دارالحکومت صوبہ ہونا چاہیے یا شہر،یادرہے کہ 2019 میں جوکو ویدوڈو نے اعلان کیا کہ انڈونیشیا کے دارالحکومت کو جکارتہ کے شہر سے مشرقی صوبے کالیمانتان کے ایک دور دراز علاقے میں منتقل کر دیا جائے گا۔