مغربی کنارے میں صہیونیوں کے لیے 126 نئے یونٹس کی تعمیر کی منظوری

سچ خبریں: عبرانی اخبار اسرائیل ہیوم کے مطابق، صہیونیستی حکومت کی پلاننگ اینڈ کنسٹرکشن کمیٹی نے مغربی کنارے کے شمالی حصے میں واقع "صانور آبادی میں 126 نئی رہائشی اکائیوں کی تعمیر کی منظوری دیدی ہے۔

عبرانی اخبار نے شمالی مغربی کنارے میں واقع صہیونیستی آبادیوں کی کونسل کے سربراہ کے حوالے سے اضافہ کیا کہ ہم مغربی کنارے میں اسرائیلیوں کی تعداد دس لاکھ تک پہنچانے کی کوشش کر رہے ہیں۔

صہیونیستی حکومت نے گزشتہ بدھ کو بھی یروشلم کے مشرقی حصے میں واقع "E1” علاقے میں آبادکاری کے منصوبے کی منظوری دی تھی جس کا مقصد مغربی کنارے کے مختلف حصوں کو ایک دوسرے سے الگ کرنا اور ایک متحد فلسطینی ریاست کے قیام کو روکنا ہے۔

اس منصوبے کے نفاذ کے بعد، جو شمالی مغربی کنارے کو جنوبی حصے سے مکمل طور پر الگ کر دے گا، صہیونیستی آبادکاروں کے لیے 3,400 نئی رہائشی اکائیاں تعمیر کی جائیں گی۔

اقوام متحدہ اور 21 ممالک کے وزرائے خارجہ نے مقبوضہ یروشلم کے مشرقی حصے میں رہائشی آبادیوں کی تعمیر کے صہیونیستی حکومت کے فیصلے کی مذمت کی ہے۔