مغربی ممالک اور زلسنکی کے درمیان کیا چل رہا ہے؟

?️ 15 جولائی 2023

سچ خبریں: یوکرین کو ہتھیاروں کی فراہمی پر مغرب کا شکریہ ادا کرنے کے لیے برطانوی وزیر دفاع کے کیف حکام پر طنز سے سابق اداکار اور یوکرین کے موجودہ صدر کو رد عمل پر مجبورکیا!

رشیاٹوڈے کی رپورٹ کے مطابق، ولنیئس میں نیٹو سربراہی اجلاس میں امریکی اور برطانوی حکام کی جانب سے یوکرین کی ناشکری کا معاملہ اٹھانے کے بعد، اس ملک کے صدر ولادیمیر زیلینسکی نے ایک بار پھر طنزیہ ردعمل کا اظہار کیا!

یہ بھی پڑھیں:زلنسکی کا ٹرمپ پر طنز

زیلنسکی نے ایک پریس کانفرنس میں کہا کہ میں واقعی اس طرح کی باتوں کو نہیں سمجھتا۔ ہم ہمیشہ شکر گزار رہے ہیں اور ہمیشہ رہیں گے، میں صرف یہ نہیں جانتا کہ اور کس طرح ان کا شکریہ ادا کروں؟ مثال کے طور پر ہر روزصبح اٹھ کر وزیر کا شکریہ ادا کروں۔

یوکرین کے صدر نے برطانوی وزیر دفاع بین والیس کےاس طنز کا جواب میں کہا کہ آپ ان سے کہیں کہ مجھے خط لکھ کر شکر گزاری کا طریقہ بتادین تاکہ میں اسی طرح شکریہ ادا کروں!۔

انہوں نے اس طنز کے جواب میں یہ بھی کہا کہ برطانوی وزیر دفاع نے پہلے بھی کہا کہ کیف مغرب کو اپنے مطالبات سے ہمیشہ ناراض کرنے کے بجائے نمک حرامی نہ کرے تو بہتر ہو گا۔

مزید پڑھیں: یوکرینی صدر کی صیہونیوں سے مدد کی اپیل

والیس نے امریکیوں کی شکایات کی طرف اشارہ کیا جنہوں نے کہا تھا کہ یوکرین کبھی کبھی واشنگٹن کو آن لائن جنرل اسٹور کی طرح دیکھتا ہے اور کہا کہ ہم ایمیزون نہیں ہیں!۔

امریکی قومی سلامتی کونسل کے مشیر جیک سلیوان نے بھی کہا کہ کیف کی بعض تنقیدیں مکمل طور پر بے بنیاد اور بلاجواز ہیں جبکہ واشنگٹن نے یوکرین کی فوج کو بہت زیادہ صلاحیتیں اور ہتھیار فراہم کیے ہیں۔

یاد رہے کہ بدھ کو صدر زیلنسکی اور جو بائیڈن کے درمیان ہونے والی ملاقات سے کچھ دیر پہلے سلیوان نے کہا کہ میرے خیال میں امریکی عوام واشنٹگن حکومت اوردنیا کے دیگر ممالک کی جانب سے (یوکرین کے لیے) امداد میں اضافے کی خواہش کے اظہار کے لیے قدرے شکریہ کے مستحق ہیں۔

قابل ذکر ہے کہ زیلنسکی کی غیر معمولی تنقید اس وقت سامنے آئی جب یوکرین کے صدر نے پیر کے روز امریکی زیرقیادت فوجی اتحاد نیٹو میں یوکرین کی رکنیت کا ٹائم ٹیبل طے نہ کرنے پر حملہ کیا اور کیف کی بے عزتی کا الزام لگایا، کہا جاتا ہے کہ امریکی حکومت کے اعلیٰ عہدے دار زیلنسکی کے متنازعہ ٹویٹ سے سخت ناراض ہیں۔