مسجد الاقصی کی آزادی قریب ہے:حماس

?️ 20 جون 2021

سچ خبریں:غزہ میں حماس اسلامی مزاحمتی تحریک کے سیاسی دفتر کے سربراہ نے کہاکہ صیہونی حکومت کے قبضے سے مسجد اقصی کی آزادی قریب آچکی ہے۔
غزہ کی پٹی میں حماس کے پولیٹیکل بیورو کے سربراہ یحیی السنوارنے کہا ہے کہ قدس اور مسجد اقصی کی آزادی خدا کی مدد سے پہلے سے کہیں زیادہ قریب ہوچکی ہے، رپورٹ کے مطابق غزہ میں حماس کے سیاسی دفتر کے سربراہ نے مزید کہاکہ فلسطین کے مسئلے کے خلاف سازشوں اور صیہونی دشمن کے ساتھ تعلقات کو معمول پر لانے سے فلسطینیوں اور ان کے مؤقف پر کبھی اثر نہیں ہوااور نہ اس کے بعد کبھی ہونے والا ہے۔

انہوں نے اشارہ کیا کہ فلسطین کے تمام مختلف طبقات اور دھارے صیہونی دشمن کے ساتھ سیف القدس کی لڑائی میں حاصل ہونے والی فتح میں حصہ دار ہیں،یحیی السنوارنے زور دے کر کہاکہ قدس ہم سے باتیں نہیں چاہتا بلکہ ایسے راکٹ حملے چاہتا ہے جو مقبوضہ علاقوں کو ہلا کر رکھ دیں۔

واضح رہے کہ حال ہی میں فلسطینی مزاحمتی تحریک اور صیہونی دشمن کے خلاف ہونے والی بارہ دن کی لڑائی میں مزاحمتی تحریک کو لاجواب فتح حاصل ہوئی جبکہ صیہونی دشمن کو ذلت آمیز شکست کا سامنا کرنا پڑا جس کی وجہ سے پوری دنیا میں صیہونیوں کی ساکھ پہلے سے بھی زیادہ خراب ہوگئی جو کو وہ دوبارہ بنانے کی کوشش میں لگے ہوئے ہیں ،کبھی فلیگ مارچ جیسا مضموم منصوبہ بناتے ہیں جو مزاحمتی تحریک کی ایک دھمکی سے ناکام ہوجاتا ہے تو کبھی پیغمبر اسلام کی شأن میں گستاخی کرتے ہوئے نظر آتے ہیں تاہم انھیں بھی معلوم ہے اس طرح کی اشتعال انگیز کاروائیوں سے کچھ ہونے والا نہیں۔