مسجد الاقصی پر صہیونی حملہ / اسلام مخالف نعرے بازی

🗓️ 5 اپریل 2022

سچ خبریں:صیہونی آباد کاروں نے حکومتی فورسز کی حمایت سے مسجد الاقصی پر حملہ کیا اور اسلام مخالف نعرے لگائے۔
العہد نیوز چینل کی رپورٹ کے مطابق صہیونی مسجد الاقصی پر اپنے روزانہ حملے جاری رکھے ہوئے ہیں، مقبوضہ بیت المقدس سے تازہ ترین خبریں بتاتی ہیں کہ مسجد الاقصی پر ایک بار پھر درجنوں صیہونی آبادکاروں نے حملہ کیا۔

رپورٹ کے مطابق فلسطینی میڈیا نے بتایا ہے کہ مسجد الاقصیٰ پر آباد کاروں کا حملہ صیہونی حکومت کی فوج کی ہری جھنڈی کے ساتھ ہوا جس میں مسجد اقصیٰ پر وحشیانہ حملے اور مسجد کے صحنوں میں داخل ہونے کے بعد آباد کاروں نے اسلام مخالف نعرے لگائے۔

واضح رہے کہ مسجد الاقصی پر صہیونی حملے ایسے وقت میں جاری ہیں جب کہ انسانی حقوق کی تنظیمیں اس طرح کے اقدامات کے سامنے خاموشی اختیار کیے ہوئے ہیں جبکہ مسجد اقصیٰ کی مسلسل توہین پر مختلف فلسطینی گروہوں کے وسیع احتجاج کے باوجود عالمی برادری ان کو روکنے کے لیے کوئی اقدام نہیں کر رہی ہے۔

دوسری جانب بعض عرب ریاستیں صیہونیوں کے ساتھ تعلقات معمول پر لانے میں ایک دوسرے سے پیشی لے جانے کی کوششوں میں مصروف ہیں جس سے غاصب صیہونیوں کو مزید شے مل رہی ہے کیونکہ انھیں معلوم ہے ہم جو بھی کر لیں کوئی پوچھنے والا نہیں۔