قرآن پاک کی بے حرمتی کا ذمہ دار کون ہے؟ یمنی تنظیم

?️ 2 جولائی 2023

سچ خبریں: یمن کی الحق پارٹی نے سویڈن میں قرآن پاک کی بے حرمتی کی مذمت کرتے ہوئے اس ملک کی حکومت کو اس کا ذمہ دار ٹھہرایا۔

گزشتہ ہفتے (28 جون) بدھ کی شام سویڈن کے دار الحکومت اسٹاک ہوم میں ایک 37 سالہ عراقی نژاد نامی سالوان مومیکا نے عید الاضحیٰ کی چھٹی کے پہلے دن اس شہر کی مرکزی مسجد کے سامنے قرآن پاک کا ایک نسخہ پھاڑ کر اسے آگ لگا دی ۔

یہ بھی پڑھیں: قرآن پاک کی توہین کے بعد سویڈن کے وزیراعظم کا پہلا بیان

یمنی حزب الحق نے اپنے بیان میں اس بات کی طرف اشارہ کرتے ہوئے کہ قرآن کی توہین اسلام اور اس کے مقدسات پر حملہ ہے ،اس بات پر زور دیا کہ یہ عمل امت اسلامیہ کی توہین ہے جس پر خاموشی جائز نہیں ہے۔

مزید پڑھیں: عراقی پارلیمانی اتحاد کا حکومت سے سویڈن کے بارے میں مطالبہ

المسیرہ ویب سائٹ کی رپورٹ کے مطابق حزب الحق نے سویڈش حکومت کو اس توہین کا ذمہ دار ٹھہرایا اور مجرموں کو سزا دینے اور ایسے جرائم کے اعادہ کو روکنے کا مطالبہ کیا۔

اس یمنی جماعت نے اسلامی ممالک کی حکومتوں اور اداروں سے بھی مطالبہ کیا کہ وہ اس جرم کی مذمت کریں اور اس کے اعادہ کو روکیں۔