فلسطینی مزاحمتی تحریک کا صیہونیوں کو شدید انتباہ

🗓️ 21 جون 2023

سچ خبریں:فلسطین کی جہاد اسلامی تحریک کے رہنماوں میں سے ایک نے اس بات پر زور دیتے ہوئے کہ صیہونی دشمن کی جارحیت کے مقابلے میں تمام آپشنز میز پر ہیں، اعلان کیا کہ میدان جنگ میں اتحاد کو فلسطینی قوم کے نزدیک ایک جنگی فکر سمجھا جاتا ہے۔

فلسطین کی جہاد اسلامی تحریک کے رہنما داؤد شہاب نے العہد نیوز سائٹ کے ساتھ گفتگو میں اس بات پر زور دیا کہ رام اللہ کے قریب واقع قصبے عیلی میں بہادرانہ کاروائی مغربی کنارے اور غزہ کی پٹی میں صیہونی حکومت کے جرائم کا ایک فطری ردعمل ہے۔

مزید:جنین آپریشن میں اسرائیلی فوج کی بے بسی

انہوں نے مزید کہا کہ مغربی کنارے میں فوجی آپریشن شروع کرنے کے حوالے سے صہیونی دشمن کی دھمکیاں اس شکست اور بے بسی کو ظاہر کرتی ہیں جو دشمن فلسطینی مجاہدین کی شجاعت اور مقابلہ کرنے طاقت کو دیکھ کر محسوس کرتا ہے۔

شہاب نے تاکید کی کہ میدان جنگ میں متحد ہونا کوئی نعرہ نہیں بلکہ فلسطینی قوم اور مجاہدین کے نزدیک ایک جنگی فکر ہے نیز ہمارے پاس فلسطینی قوم کے خون پر صہیونی دشمن کی پیش قدمی کا مقابلہ کرنے کے لیے تمام آپشنز موجود ہیں۔

یہ بھی پڑھیں:ہم اپنی سرزمین کو آزاد کرائیں گے اور اسرائیل کو نکال باہر کریں گے: فلسطینی استقامت

واضح رہے کہ نابلس اور رام اللہ کے درمیان واقع صہیونی بستی عیلی کے قریب فلسطینی مجاہدین کی فائرنگ کی کاروائی کے دوران 4 صہیونی آباد کار ہلاک اور 4 دیگر زخمی ہوگئے ۔