سچ خبریں: فلسطینی مزاحمتی فورسز کے ایک ذریعے نے غزہ کے الزیتون محلے میں پیش قدمی میں صیہونی فوج کی شکست اور جارحین کے درجنوں ہتھیاروں کے تباہ ہونے کا اعلان کیا ہے۔
غزہ کے الزیتون محلے میں تعینات مزاحمتی فورسز کے ایک ذریعے نے المیادین چینل کے ساتھ گفتگو میں کہا کہ مسلسل نویں روز بھی صہیونی دشمن اس محلے کے مرکز کی طرف پیش قدمی نہیں کرسکا۔
یہ بھی پڑھیں: فلسطینی مجاہدین کا قابض فوج کو خصوصی پیغام
انہوں نے مزید کہا کہ اس عرصے کے دوران ہم نے صہیونی دشمن کے بیس سے زائد ہتھیاروں کو تباہ کر دیا نیز ہم نے حملہ آوروں کے خلاف گھات لگا کر درجنوں حملے کیے۔
فلسطینی مزاحمتی فورسز کے اس ذریعے نے مزید کہا کہ ہمارے مجاہدین نے صہیونی عناصر کے اجتماع کی جگہوں کو نشانہ بنایا، خاص طور پر ان کے اسنائپرز کو نیز ہم نے دشمن کے ہتھیاروں اور ان کے ہیڈ کوارٹر پر گولہ باری کی۔
انہوں نے بیان کیا کہ میدان میں اس شکست کا بدلہ لینے کے لیے جارح دشمن نے زیتون محلے کے جنوب میں درجنوں مکانات کو تباہ اور اڑا دیا اور اس محلے کے مرکزی اور شمالی علاقوں پر بمباری کی۔
مزید پڑھیں: غزہ کی پٹی میں الزیتون کی تازہ ترین خبر
مزاحمتی فورسز کے اس ذریعہ نے کہا کہ ہمارے مجاہدین دشمن کے گمان سے بھی زیادہ ان کے قریب ہیں اور وہ ان کی نقل و حرکت پر نظر رکھتے ہیں نیز جارح عناصر کو نشانہ بناتے ہیں۔