سچ خبریں:فرانس کے حکومتی عہدیداروں کے جاری کردہ سرکاری اعدادوشمار کے مطابق اس ملک میں مہنگائی عروج پر ہے۔
راشیا ٹوڈے کی رپورٹ کے مطابق فرانس کے وزیر خزانہ نے کہا کہ اس ملک میں مہنگائی عروج پر پہنچ چکی ہے اور مزید کئی ماہ تک اسی سطح پر رہنے کی امید ہے،کہا جا رہا ہے کہ 2023 کے آخر تک ممکنہ طور پر مہنگائی میں بتدریج کمی دیکھنے کو ملے گی جس کے بعد فرانس میں مہنگائی 2 فیصد کے قریب پہچ سکے گی۔
فرانسیسی وزیر خزانہ نے یہ بھی کہا کہ موجودہ پیشن گوئی ظاہر کرتی ہے کہ 2022 میں معیشت کی شرح نمو 4 فیصد رہے گی، انہوں نے مزید کہا کہ فرانسیسی حکومت جولائی کے اوائل تک نظر ثانی شدہ اقتصادی ترقی کی پیش گوئیاں پیش کرے گی، لومر نے کہا کہ اگر مانیٹری پالیسی تبدیل نہیں ہوتی ہے، تو ہم افراط زر کو 2 فیصد کے قریب کم نہیں کر پائیں گے۔
واضح رہے کہ یورو زون کی افراط زر مئی میں 8.1 فیصد تک پہنچنے کا امکان ہے، جو اپریل میں 7.4 فیصد تھی، صدارتی انتخابات سے قبل فرانسیسی صدر ایمانوئل میکرون نے کم اور متوسط آمدنی والے گھرانوں کو فوڈ واؤچر دینے کا خیال پیش کیا، جو اعداد و شمار کے مطابق تقریباً 80 لاکھ فرانسیسی شہری حاصل کرتے ہیں۔