غزہ کے لیے ٹرمپ عوام فریب امن منصوبہ

غزہ کے لیے ٹرمپ عوام فریب امن منصوبہ

امریکی میڈیا نے دعویٰ کیا ہے کہ سابق امریکی صدر ڈونلڈ ٹرمپ نے غزہ میں جنگ کے بعد کے دور کے حوالے سے ایک منصوبہ تیار کیا ہے، جسے وہ آج (منگل) عرب و اسلامی ممالک کے رہنماؤں کے سامنے پیش کرنے والے ہیں۔

رپورٹ کے مطابق اس اجلاس میں سعودی عرب، قطر، مصر، اردن، ترکیہ، انڈونیشیا اور پاکستان کے نمائندے شریک ہوں گے، جہاں ٹرمپ کی جانب سے مجوزہ جنگ بندی اور غزہ کے مستقبل پر گفتگو ہوگی۔

منصوبے میں اسرائیلی افواج کی غزہ سے واپسی اور اس خطے کا انتظام حماس کے بغیر کسی نئے ڈھانچے کے تحت چلانے کی تجاویز شامل ہیں۔ امریکہ کی کوشش ہے کہ مذکورہ ممالک غزہ میں مشترکہ طور پر فوجی دستے تعینات کریں تاکہ انتظامی معاملات سنبھالنے اور تعمیر نو کے لیے مالی امداد فراہم کرنے میں کردار ادا کریں۔

یہ پیش رفت ایسے وقت میں سامنے آئی ہے جب امریکہ نے خود ہی سلامتی کونسل میں غزہ جنگ بندی کے لیے پیش کی گئی قرارداد کو ویٹو کر دیا، حالانکہ 14 ممالک نے اس کے حق میں ووٹ دیا تھا۔ تجزیہ کاروں کا کہنا ہے کہ ٹرمپ، جو اسرائیل کے بھرپور حامی رہے ہیں، اس قسم کے منصوبوں کے ذریعے خود کو "امن کا علمبردار” ظاہر کرنے کی کوشش کر رہے ہیں۔