غزہ کی پٹی میں صیہونی بربریت کے بارے میں اردن کا موقف

?️ 23 فروری 2024

سچ خبریں: اردن کے وزیر خارجہ نے صیہونی حکومت کے جرائم کی تحقیقات کے لیے ہیگ کی عدالت کے سیشن میں کہا کہ اس حکومت نے غزہ کی پٹی میں نسل کشی کی ہے اور بین الاقوامی قوانین پر کوئی توجہ نہیں دی ہے۔

الجزیرہ چینل کی رپورٹ کے مطابق اردن کے وزیر خارجہ نے فلسطینی عوام کے خلاف صیہونی حکومت کے جرائم کی تحقیقات کے لیے ہیگ ٹریبونل کے اجلاس میں کہا کہ اس حکومت نے غزہ کی پٹی میں نسل کشی کی ہے۔

یہ بھی پڑھیں: غزہ کے بارے میں عراقی وزیر اعظم کا موقف

مشرقی بیت المقدس سمیت مقبوضہ فلسطینی علاقوں میں اسرائیلی غاصب حکومت کی پالیسیوں اور اقدامات کے قانونی نتائج کے بارے میں بین الاقوامی عدالت انصاف کی مشاورتی سماعت کے تیسرے روز ایمن الصفدی نے مزید کہا کہ اسرائیل آبادی کے ڈھانچے کو تبدیل کرنے کی پالیسی کے تحت فلسطینیوں کو ان کے گھروں سے محروم کر رہا ہے، اسرائیل نے غزہ کی پٹی میں نسل کشی کی اور 23 لاکھ سے زائد فلسطینیوں کی زندگیاں تباہ کی ہیں۔

انہوں نے تاکید کی کہ غزہ کی پٹی میں صیہونی حکومت کی بربریت ناقابل بیان ہے،اسرائیل اسلامی مقدس مقامات کی حفاظت کے لیے بھی اپنا فرض ادا نہیں کر رہا۔ اسرائیلی حکومت کو بین الاقوامی قوانین کی کوئی پرواہ نہیں ہے اور اس حکومت کو غیر قانونی طور پر کام کرنے کی اجازت دی گئی ہے۔

الصفدی نے کہا کہ غزہ کی پٹی میں نصف ملین فلسطینی بھوک کی وجہ سے اپنی جانوں سے ہاتھ دھونے کے دہانے پر ہیں اور قحط کے بدترین مراحل سے نبرد آزما ہیں۔

مزید پڑھیں: اسرائیل کے جنگی جرائم کے جواب میں دا سلوا کی جرات اور عرب سراب کی خاموشی

اردن کے وزیر خارجہ نے یہ بھی کہا کہ صیہونی آباد کاروں کی دہشت گردی بڑھتی جا رہی ہے اور اس کا نشانہ بے گناہ فلسطینی اور ان کے مکانات اور املاک ہیں۔