عمان کے مفتی اعظم کی فلسطینی مزاحمتی تحریک کی مکمل حمایت

?️ 13 مئی 2023

سچ خبریں:عمان کے مفتی اعظم نے غزہ کی جنگ اور فلسطینی مزاحمت کی بہادری پر ردعمل کا اظہار کرتے ہوئے فلسطینیوں کی مزاحمت کی تعریف کی۔

مرکزاطلاعات فلسطین کی رپورٹ کے مطابق عمان کے مفتی اعظم احمد الخلیلی نے غزہ کی جنگ اور فلسطینی مزاحمت کی بہادری پر ردعمل کا اظہار کرتے ہوئے کہا کہ سلام اور درود ہو فلسطینی مزاحمت پر جس نے غزہ کے خلاف ہونے والی جارحیت اور حملوں کا بھرپور طریقے سے مقابلہ کیا۔

عمان کے مفتی اعظم نے مزید کہا کہ غزہ کے مجاہدین چٹان سے بھی زیادہ سخت عزم کے ساتھ دشمن کا مقابلہ کر رہے ہیں اور انہوں نے صیہونیوں کو شکست اور ذلت کا مزہ چکھا دیا ہے، واضح رہے کہ عمان کے مفتی اعظم نے ہمیشہ فلسطینی مزاحمت کی حمایت میں مضبوط موقف اختیار کیا ہے۔

یاد رہے کہ غزہ کی وزارت صحت کے مطابق گزشتہ تین دنوں میں 100 سے زائد افراد زخمی ہوئے ہیں جبکہ بعض زخمیوں کی حالت تشویشناک ہے،دوسری جانب اسرائیلی قبضے کے جرائم کو دستاویزی شکل دینے اور ان پر مقدمہ چلانے کے فلسطینی آزاد کمیشن کے نائب سربراہ یعقوب الغندور نے غزہ میں ایک پریس کانفرنس میں اعلان کیا کہ اسرائیلی جنگی طیاروں کے مسلسل فضائی حملوں کے نتیجے میں متعدد افراد شہید اور زخمی ہوئے ہیں جن میں کئی بچے اور خواتین بھی شامل ہیں جو عالمی برادری کی بے حسی کو ظاہر کرتا ہے۔

قابل ذکر ہے کہ غزہ کی پٹی پر اسرائیلی فضائی حملے میں روسی شہریت رکھنے والا ایک فلسطینی ڈاکٹر غزہ شہر کے وسط میں واقع ایک اپارٹمنٹ پر براہ راست راکٹ لگنے سے اپنی بیوی اور بچے سمیت مارا گیا۔

یاد رہے کہ منگل سے صیہونی جنگی طیاروں نے بغیر کسی پیشگی انتباہ کے غزہ کی پٹی میں متعدد عمارتوں اور بے گناہ شہریوں کے رہائشی اپارٹمنٹس کو مسمار کر دیا ہےجو ایک جنگی جرم کی واضح مثال ہے۔