عرب و افریقی پارلیمان کا اسرائیلی جارحیت کی مذمت اور غزہ میں جنگ روکنے کا مطالبہ

عرب

?️

عرب و افریقی پارلیمان کا اسرائیلی جارحیت کی مذمت اور غزہ میں جنگ روکنے کا مطالبہ
 عرب اور افریقی پارلیمان نے قاہرہ میں ہونے والے اپنے ہنگامی اجلاس کے اختتام پر ایک مشترکہ بیان جاری کرتے ہوئے اسرائیل کی جانب سے قطر پر حملے اور غزہ میں جاری جنگ کی شدید مذمت کی ہے۔ ان پارلیمانوں نے ان اقدامات کو عالمی امن کے لیے براہِ راست خطرہ اور بین الاقوامی قوانین کی کھلی خلاف ورزی قرار دیا۔
یہ اجلاس عرب پارلیمان کے سربراہ محمد بن احمد الیمحی اور افریقی پارلیمان کے صدر تشیف شارومبیرا کی قیادت میں منعقد ہوا۔ جاری کردہ بیان میں قطر پر اسرائیلی حملے کو تمام عرب و افریقی ممالک پر جارحیت‘‘ اور اقوامِ متحدہ کے منشور کی صریح خلاف ورزی قرار دیا گیا۔
بیان میں کہا گیا کہ اس طرح کے اقدامات عالمی قوانین کو پس پشت ڈال کر ’’قانون جنگل‘‘ مسلط کرنے کے مترادف ہیں۔ مزید کہا گیا کہ غزہ پر جاری جنگ نسل کشی، نسلی تطہیر اور بھوک کو ہتھیار کے طور پر استعمال کرنے کی واضح مثال ہے جس میں اب تک ہزاروں بے گناہ شہری خصوصاً خواتین اور بچے جاں بحق ہو چکے ہیں۔
اس اعلامیے میں مغربی کنارے میں اسرائیلی جرائم کا بھی حوالہ دیا گیا اور عالمی برادری کی خاموشی پر سخت تنقید کرتے ہوئے کہا گیا کہ موثر اقدامات کی کمی دراصل اسرائیل کو مزید مظالم پر اُکسا رہی ہے۔ پارلیمانوں نے اقوامِ متحدہ اور سلامتی کونسل سے مطالبہ کیا کہ فلسطینیوں اور دیگر عرب ممالک پر حملے فوری طور پر روکے جائیں۔
بیان میں جنوبی افریقہ کی جانب سے اسرائیل کے خلاف عالمی عدالتِ انصاف میں مقدمہ دائر کرنے کی حمایت کی گئی اور دیگر ممالک پر زور دیا گیا کہ وہ بھی اس اقدام میں شامل ہوں۔ اس موقع پر مصر اور اردن کے ان اقدامات کو بھی سراہا گیا جن کے ذریعے انہوں نے فلسطینی عوام کی جبری ہجرت کے منصوبے کی مخالفت کی۔
مزید برآں، پارلیمانوں نے دنیا کے تمام ممالک سے مطالبہ کیا کہ وہ آئندہ اقوامِ متحدہ کی جنرل اسمبلی میں فلسطین کو باضابطہ طور پر تسلیم کریں اور عالمی پارلیمانی اداروں سے کہا کہ اسرائیلی کنیسٹ کی رکنیت معطل کر کے اسے ایک منفور ادارہ قرار دیا جائے۔
بیان کے آخر میں اقوامِ متحدہ کے نظام، بالخصوص سلامتی کونسل کے فیصلوں کے ڈھانچے میں اصلاحات اور حقِ ویٹو کے خاتمے پر زور دیا گیا۔

مشہور خبریں۔

بولٹن نے دنیا بھر میں بغاوت کے منصوبہ بندی کرنے کا اعتراف کیا

?️ 13 جولائی 2022سچ خبریں:   ڈونلڈ ٹرمپ کے دورِ صدارت میں امریکہ کے قومی سلامتی

کیا اب بھی صیہونیوں کے ساتھ دوستی کی گنجائش باقی ہے؟

?️ 25 جون 2023سچ خبریں:صہیونی آبادکاروں کے ہاتھوں قرآن پاک کی بے حرمتی کی مذمت

بھارتی فوجی کشمیری خواتین پر جنسی تشدد کو ایک جنگی ہتھیار کے طورپر استعمال کر رہے ہیں ،مشعال ملک

?️ 26 نومبر 2024اسلام آباد: (سچ خبریں) غیر قانونی طورپر نظربند کشمیری حریت رہنماء محمد

صارفین کی آسانی کیلئے واٹس ایپ میں تبدیلیاں، نیا لے آؤٹ کیسا ہوگا؟

?️ 11 مئی 2024سچ خبریں: مقبول میسیجنگ ایپ واٹس ایپ نے اپنے صارفین کی آسانی

مسلیم لیگ(ن) اور پیپلز پارٹی آمنے سامنے

?️ 23 مارچ 2021اسلام آباد(سچ خبریں) پاکستان ڈیموکریٹک موومنٹ (پی ڈی ایم) میں شامل 2

وکیل کی عدم موجودگی میں ملزم کے دفاع کے بیان کی اہمیت کم ہو جائے گی؟ عدالت

?️ 2 مئی 2024اسلام آباد: (سچ خبریں) اسلام آباد ہائیکورٹ نے سابق وزیر اعظم عمران

ارشد شریف کو جاری کردہ ‘تھریٹ الرٹ’ سے وزیراعلیٰ کا کوئی تعلق نہیں تھا، بیرسٹر سیف

?️ 28 اکتوبر 2022خیبر پختونخوا:(سچ خبریں) خیبر پختونخوا حکومت نے دعویٰ کیا ہے کہ محکمہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے