عراق پر 23 سالہ امریکی قبضے کا خاتمہ

سچ خبریں: عراق پر امریکی دہشت گرد فوج کے حملے کے 23 سال بعد، آج علی فالح الزیدی، کمانڈر انچیف آف مسلح فورسز نے باضابطہ طور پر داعش کے خلاف بین الاقوامی اتحاد کے فوجی مشن کے سرکاری اختتام کا اعلان کیا ۔

انہوں نے زور دیا کہ ملک ایک نئے مرحلے میں داخل ہو گیا ہے جس میں ریاستی ادارے اپنی مکمل قومی خودمختاری کا اطلاق کریں گے اور سیکیورٹی فورسز ملک کے معاملات کا مکمل کنٹرول سنبھال چکی ہیں۔

یہ اعلان دارالحکومت بغداد میں یوم خودمختاری کے موقع پر ایک سرکاری تقریب کے دوران کیا گیا جس میں اتحادی افواج کے کئی کمانڈروں، فوجی و سیکیورٹی یونٹوں کے کمانڈروں کے علاوہ عراق کی انسداد دہشت گردی سیکیورٹی فورسز کے کمانڈروں نے بڑی تعداد میں شرکت کی۔

الزیدی نے اس تقریب میں اعلان کیا کہ عراق کی سیکیورٹی ایجنسیاں اپنی تمام یونٹوں کے ساتھ اب پورے ملک میں میدان کا مکمل کنٹرول سنبھال چکی ہیں۔ اسی دوران امریکی وزارت جنگ نے اعلان کیا کہ امریکہ اور بین الاقوامی اتحاد نے باضابطہ طور پر عراق سے انخلا کا عمل مکمل کر لیا ہے اور عراقی سیکیورٹی فورسز ملک کے کنٹرول کے لیے مسلسل کوششوں کی قیادت کریں گی۔

ادھر بین الاقوامی اتحادی افواج کے عراقی سرزمین سے انخلا کے موضوع کے سلسلے میں حکام اور سیکیورٹی ماہرین نے زور دیا کہ حکومت کی طاقت کو مضبوط بنانا، قانون کا نفاذ اور سیکیورٹی فیصلہ سازی کا اتحاد عراق کی قومی خودمختاری کے تحفظ کے بنیادی ستون ہوں گے۔ انہوں نے مزید کہا کہ سیاسی فیصلہ سازی کو ریاستی اداروں تک محدود رکھنا اور فیصلہ سازی کے متعدد مراکز کو روکنا، موجودہ صورتحال مسلط کرنے یا ان امور پر اثر انداز ہونے کی کوششوں کا مقابلہ کرنے میں مدد کرتا ہے جو خصوصی طور پر سرکاری اداروں کے اختیار میں ہونے چاہئیں۔

اتحادی افواج کے انخلا سے متعلق ایک اور اہم خبر یہ تھی کہ شیعی قومی دھارے کے رہنما مقتدیٰ صدر نے آج اسی اہم پیش رفت کے ساتھ ساتھ الیوم الموعود (روز موعود) بریگیڈ کی باضابطہ تحلیل کا اعلان کیا۔ صدر نے ایک بیان میں اعلان کیا کہ ہم عراق کی آزادی اور امریکہ و بین الاقوامی اتحاد کی موجودگی کے دور کے خاتمے کا اعلان کرتے ہیں۔

انہوں نے اپنے بیان میں اللہ تعالیٰ کی حمد و شکر کے بعد سابق جنگجوؤں، مجاہدوں اور انصار کی کوششوں کو سراہا۔ جناب

صدر نے مزید کہا کہ اپنی زیر قیادت شاخوں میں تبدیلیوں کے اعلان کے ساتھ کہا کہ میں فوری طور پر یوم الموعود بریگیڈ کی تحلیل اور جیش الامام (امام کی فوج) کو مؤسسہ انصار امام مہدی (عجل اللہ تعالیٰ فرجہ الشریف) میں تبدیل کرنے کا اعلان کرتا ہوں۔

صدر نے عراق میں امریکی قبضے کی مذمت کرتے ہوئے ساتھ ہی امریکی فوج سے مطالبہ کیا کہ وہ عراق کی سرزمینوں پر قبضے کے باعث پہنچنے والے تمام نقصانات کا معاوضہ ادا کرے اور تمام عراقیوں سے کہا کہ وہ امریکی دہشت گرد فوج کے جرائم کے خلاف اپنی قانونی شکایت پیش کریں۔

ادھر عراقی وزارت دفاع کے ترجمان یحییٰ رسول نے بھی اعلان کیا کہ بین الاقوامی اتحاد کا کوئی فوجی اب عراقی سرزمین پر موجود نہیں ہے۔ انہوں نے مزید ملک کی خودمختاری کے تحفظ کے لیے عراقی افواج کی صلاحیت پر زور دیا۔