عراق اور ترکی نے تجارتی حجم کو 30 ارب ڈالر تک بڑھانے پر اتفاق کیا

?️ 14 اگست 2025

عراق اور ترکی نے تجارتی حجم کو 30 ارب ڈالر تک بڑھانے پر اتفاق کیا

تعراق اور ترکی نے دونوں ممالک کے درمیان تجارتی حجم کو 30 ارب ڈالر تک بڑھانے، مشترکہ سرمایہ کاری کو فروغ دینے اور پروجیکٹ روڈ ٹو ڈویلپمنٹ کے ذریعے تعاون کے شعبوں کو وسعت دینے اور نئے کسٹم پاس کے قیام پر اتفاق کیا۔

ایرنا نے بدھ کے روز الشروق کے حوالے سے بتایا کہ انقرہ میں منعقدہ اجلاس میں عراق کے وزیر اعظم کے مشیر برائے سرحدی گذرگاہیں، کسٹمز اور ٹرانسپورٹ سامی عبدالحسین راضی، اور ترکی کے وزیر تجارت کے معاون سزای اوچارماک نے شرکت کی۔ اس اجلاس میں عراق اور ترکی کے درمیان مشترکہ کسٹمز کمیٹی کے قیام پر اتفاق کیا گیا۔

انقرہ میں عراق کے سفارتخانے کے بیان کے مطابق، یہ اقدام دونوں ممالک کے کسٹمز اداروں کے درمیان تعاون کو مضبوط بنانے، تجارتی تعلقات کو فروغ دینے اور سرحدی گذرگاہوں سے مال کی آمد و رفت کو آسان بنانے کے لیے کیا گیا۔

دونوں فریقین نے سرحدی گذرگاہوں پر کارکردگی کو بہتر بنانے، کسٹمز تعاون کو فروغ دینے، تجارتی بہاؤ کو آسان بنانے، گذرگاہوں کی گنجائش میں اضافہ کرنے اور دوطرفہ تجارت و ٹرانزٹ سے متعلق بنیادی ڈھانچے کے منصوبوں کی حمایت کرنے پر زور دیا۔