سچ خبریں:اقوام متحدہ میں روس کے نمائندے نے سلامتی کونسل کے اجلاس میں کہا کہ اگر مغربی ممالک انتہا پسندی کی مذمت کرنا چاہتے ہیں تو انہیں خود سے شروعات کرنی چاہیے۔
اطارطاس خبر رساں ایجنسی کی رپورٹ کے مطابق اقوام متحدہ میں روس کے سفیر واسیلی نیبنزیا نے سلامتی کونسل کے اجلاس میں ایک بیان میں مغربی فوجی مہم جوئی پر کڑی تنقید کی ، رپورٹ کے مطابق نیبنزیا نے اجلاس میں کہا کہ مغرب کو پہلے اپنی فوجی مہم جوئی کی مذمت کرنی چاہیے اور ان ممالک کے اقدامات سے نقصان پہنچنے والوں کو معاوضہ دینا چاہیے۔
اقوام متحدہ میں روس کے مندوب نے کہا کہ میرے پاس مغربی دنیا کے لیے ایک تجویز ہے کہ اگر آپ انتہا پسندی کی مذمت کرنا چاہتے ہیں تو اپنے آپ سے آغاز کریں، اپنی اپنی فوجی مہم جوئی، معاشی مجبوریوں، اپنی مہلک نوآبادیاتی جنگوں، نسل کشی اور مقامی لوگوں کی مال و دولت کی لوٹ مار کی مذمت کرتے ہوئے ایک رول ماڈل بنیں۔
انہوں نے مزید کہا کہ ان حکومتوں اور قوموں کو معاوضہ ادا کریں جنہیں آپ کے اعمال سے نقصان پہنچا ہے،اس طرح کا اقدام ہمیں ایک منصفانہ عالمی نظام کے قریب لے جائے گا جس میں خود ساختہ استثنیٰ کے لیے کوئی جگہ نہیں ہوگی،اقوام متحدہ میں روس کے سفیر نے یہ بھی کہا کہ ماسکو نے حالیہ مہینوں میں مغرب کی طرف سے بہت زیادہ منافقت دیکھی ہے۔