صیہونی فوجی ٹھکانوں پر حزب اللہ کے حملوں کا سلسلہ جاری 

سچ خبریں:حزب اللہ لبنان نے ایک بیان جاری کرتے ہوئے کہا ہے کہ اسلامی مزاحمتی جنگجوؤں نے آج اتوار کی شب 12:40 بجے صہیونی دشمن فوج کے بکتر بند گاڑیوں کی موجودگی اور جمع گاہ کو ‘البیاضہ’ بستی کے علاقے ‘اسکندرونہ’ میں میزائل حملے کا نشانہ بنایا۔

 حزب اللہ لبنان نے اپنے بیان میں مزید کہا کہ جنوبی لبنان کی سرحدی پٹی میں واقع راس الناقورہ سائٹ پر ایک صہیونی بکتر بند گاڑی کو نشانہ بنایا گیا۔ لبنانی اسلامی مزاحمت نے جنوبی لبنان کے قصبے ‘البیاضہ’ میں واقع اسکندرونہ کے علاقے میں صہیونی فوجیوں کی موجودگی اور چوکی کو بھی اپنے ڈرون حملے کا نشانہ بنایا۔

حزب اللہ کی طرف سے اسرائیلی فوج کے ٹھکانوں کو 13 بار نشانہ بنایا گیا: حزب اللہ لبنان نے مزاحمت کی یومیہ کارروائیوں کی رپورٹ میں بتایا کہ گزشتہ 24 گھنٹوں کے دوران اسلامی مزاحمتی جنگجوؤں نے سرحدی علاقوں اور مقبوضہ شمالی فلسطین میں اسرائیلی فوجیوں کی چھاؤنیوں، ٹھکانوں اور جمع گاہوں کے خلاف 12 مختلف (ڈرون اور میزائل) فوجی کارروائیاں کیں، جس کے بعد نئی کارروائی کے ساتھ ان کی تعداد 13 ہوگئی۔