صیہونی حکومت کے خلاف ایران کی کارروائی پر نیتن یاہو کے دفتر کا ردعمل

🗓️ 14 اپریل 2024

سچ خبریں: صیہونی وزیر اعظم کے دفتر نے اعلان کیا ہے کہ ایران صیہونی حکومت کے خلاف مختلف میدانوں کو متحد کرنے کی کوشش کررہا ہے۔

الجزیرہ نیوز چینل کی رپورٹ کے مطابق اسرائیلی وزیر اعظم بنیامین نیتن یاہو کے دفتر نے ایک بیان جاری کرتے ہوئے اعلان کیا ہے کہ صیہونی حکومت ک جانب سے پیش کردہ منصوبے پر حماس کا رد عمل منفی ہے۔

یہ بھی پڑھیں: ایران کے جواب کو لے کر صیہونی حیران و پریشان

اس بیان میں دعویٰ کیا گیا ہے کہ تل ابیب حماس کے خلاف جنگ کے اہداف کو حاصل کرنے اور غزہ میں موجود صیہونی قیدیوں کو جلد از جلد رہا کرنے کی ہر ممکن کوشش کرے گا۔

نیتن یاہو کے دفتر نے گذشتہ رات دمشق میں ایرانی قونصل خانے کے خلاف صیہونی حکومت کے دہشت گردانہ حملوں پر ایران کے ردعمل کے جواب میں دعویٰ کیا کہ ایران مختلف شعبوں کو متحد کرنے اور خطے میں وسیع پیمانے پر کشیدگی پیدا کرنے کی کوشش کررہا ہے۔

گزشتہ شب دمشق میں تہران کے قونصل خانے پر صیہونی حکومت کے دہشت گردانہ حملے کے جواب میں ایران نے مقبوضہ فلسطین کے مختلف علاقوں پر میزائل اور ڈرون حملے کیے ہیں۔

مزید پڑھیں: اسرائیل ایران کے خلاف فوجی حملے کی غلط فہمی میں نہ رہے:صیہونی اخبار

تازہ ترین اطلاعات سے ظاہر ہوتا ہے کہ مقبوضہ سرزمین پر ایران کے مشترکہ حملوں میں صیہونیوں کو بہت زیادہ نقصان پہنچا ہے۔