سچ خبریں:صہیونی فوجیوں نے مغربی کنارے کے شہر جنین میں داخل ہونے کے بعد ایک فلسطینی شہید کے گھر کو دھماکے سے اڑا دیا جبکہ ایک فلسطینی نوجوان کو شہید اور 16 کو زخمی کردیا۔
فلسطینی ذرائع نے اطلاع دی ہے کہ مغربی کنارے کے جنین شہر میں صیہونی فوجیوں کے داخلے کے بعد فلسطینی شہریوں نے ان کا مقابلہ کیا، تل ابیب میں واقع صیہونی فوجی مرکز میں فائرنگ کی کارروائی کو انجام دینے والے شہید رعد حازم کے گھر کو اڑانے کے مقصد سے شہر جنین میں داخل ہوئے،یاد رہے کہ شہید رعد حازم گزشتہ اپریل میں تل ابیب کی Dizengoffاسٹریٹ پر ایک آپریشن میں تین صیہونیوں کو ہلاک اور 14 دیگر کو زخمی کرنے میں کامیاب ہوئے۔
واضح رہے کہ صیہونی فوجیوں نے جنین شہر میں داخل ہو کر شہید حازم کے گھر کو بم سے اڑا دیا جسے مقامی باشندوں کی جانب سے مزاحمت کا سامنا کرنا پڑا، فلسطینی میڈیا رپورٹس کے مطابق فلسطینی نوجوانوں نے اس کارروائی کو روکنے کی کوشش کرتے ہوئے ٹائر جلایا صہیونی فوجیوں پر پتھراؤ کیا، عوامی مزاحمت کے بعد ایک فلسطینی نوجوان شہید اور 16 دیگر فلسطینی زخمی ہوئے۔
