سچ خبریں: اردنی فورسز نے ایک صیہونی کو غیر قانونی طور پر اس ملک میں داخل ہونے کی کوشش کے دوران گرفتار کر لیا۔
العربی الجدید اخبار کی رپورٹ کے مطابق اردنی فوج نے ایک صہیونی کو گرفتار کرنے کا اعلان کیا جو غیر قانونی طور پر اس ملک میں داخل ہونے کی کوشش کر رہا تھا۔
اس رپورٹ کے مطابق اردن کے جنوب میں ملٹری زون کی فورسز نے ایک صیہونی کو اردن کی سرزمین میں غیر قانونی طور پر داخل ہونے کی کوشش کرتے ہوئے گرفتار کرلیا۔
یہ بھی پڑھیں: اردنی عوام نے صیہونیوں کے لیے اپنے ملک کی حکومت سے کیا مانگا
دوسری جانب اردن کی مسلح افواج کی جنرل کمان کے ایک سرکاری فوجی ذریعے نے کہا کہ بارڈر گارڈ فورسز نے اس شخص کو گرفتار کرکے متعلقہ حکام کے حوالے کردیا۔
اس ذریعے نے تاکید کی کہ اردن کی مسلح افواج سرحدوں کی حفاظت اور ہر طرح کی دراندازی اور اسمگلنگ کو اپنی پوری قوت سے روکنے کے لیے پرعزم ہیں اور وہ ہر اس شخص کی تاک میں ہیں جو اردن کی قومی سلامتی کو نقصان پہنچانا چاہتا ہے۔
مزید پڑھیں: صیہونیوں کے ہاتھوں اردنی پارلیمنٹ رکن گرفتار
یاد رہے کہ یہ اس حقیقت کے باوجود ہے کہ دو روز قبل صہیونی اخبار یدیوت احرونٹ نے دعویٰ کیا تھا کہ اس حکومت نے اردن سے مقبوضہ فلسطینی علاقوں میں ہتھیاروں کی اسمگلنگ کو روکا ہے۔
